سودانى: دێ كار ل سه‌ر چاره‌سه‌ركرنا كێشه‌يێن ل گه‌ل هه‌رێما كوردستانێ كه‌ين
بەلاڤ بکە
گاڤ نيوز
سه‌رۆكوه‌زيرێ راسپاردى بۆ پێكئينانا حكومه‌تا ئيراقێ په‌يڤا خۆ ل دۆر به‌رنامه‌يێ خۆ يێ وه‌زارى ل په‌رله‌مانێ ئيراقێ پێشكێشكر و راگه‌هاند كو دێ كار ل سه‌ر چاره‌سه‌ركرنا كێشه‌يێن ل گه‌ل هه‌رێما كوردستانێ كه‌ت.
محه‌مه‌د شياع سودانى د په‌يڤا خۆ دا ل په‌رله‌مانى راگه‌هاند؛ جهێ شانازيێ يه ئه‌ڤرۆ ل په‌رله‌مانى ل گۆره‌ى مادده‌يا 76/چار ژ ده‌ستوورى ژ بۆ پێشچاڤكرنا به‌رنامه‌يێ خۆ يێ وه‌زارى و كابينه‌يا خۆ ل ڤى جهى بم و هيڤيدارم باوه‌ريا په‌رله‌مانى بده‌ستڤه‌بينم.
ديار ژى كر؛ ئه‌م سۆزێ دده‌ينه گه‌لێ خۆ كو هه‌مى بزاڤان بۆ نه‌هێلانا قه‌يرانان بكه‌ين.
ل دۆر په‌يوه‌نديێن دناڤبه‌را به‌غدا و هه‌رێما كوردستانێ دا ئاشكرا كر؛ دێ كار ل سه‌ر ڤه‌ديتنا چاره‌سه‌ريان بۆ كێشه‌يێن ل گه‌ل حكومه‌تا هه‌رێما كوردستانێ ب رێكا هه‌ڤپشكيه‌كا دروست ل سه‌ر بنياتێ ماف و ئه‌ركان كه‌ين.
ئاماژه دا وێ چه‌ندێ ژى؛ به‌رنامه‌يێ مه يێ حكومى دێ كار ل سه‌ر به‌رسينگگرتنا گه‌نده‌ليێ كه‌ت كو بوويه ئه‌گه‌رێ گه‌له‌ك ئاريشه‌يێن ئابوورى.
ديار ژى كر؛ هه‌روه‌سا به‌رسينگگرتنا هه‌ژاريێ و بێكاريێ و هاريكاريا كه‌سێن كێمداهات دێ پشكه‌ك ژ به‌رنامه‌يێ مه يێ وه‌زارى بن.
