كاروانه‌كێ مه‌زن یێ ئالاڤێن سه‌ربازى گه‌هشته رۆژئاڤایێ كوردستانێ
11/26/2022 - 22:53
بەلاڤ بکە
گاڤ
رەوانگەها سووری یا مافێن مرۆڤی راگەهاند، کاروانه‌كێ ئالاڤێن سەربازی یێن هەڤپەیمانیا ناڤدەولەتی کو پێکدهێن ژ نێزیکی 100 بارهەلگران گه‌هشته رۆژئاڤایێ كوردستانێ.
روانگه‌ها سوورى ل دۆر گه‌هشتنا وى كاروانێ پێدڤیێن سه‌ربازى دا زانین، د ڤێ هه‌یڤێ دا كاروانێ شه‌شێ یه ب رێكا ده‌رگه‌هێ (الولید) ژلایێ هه‌ڤپه‌یمانیا دژى داعشێ ڤه دگه‌هیته رۆژئاڤایێ كوردستانێ.
رەوانگەهێ دا زانین ژى، ئه‌و كاروان گه‌هشتیه بنگەهێن سەربازی یێن ئەمریکا ل ناوچه‌یێن (تل بێدەر و قەسرۆکێ) ل باشورێ پارێزگه‌ها حەسەکێ .
دیاركر ژى هنارتنا ڤان كاروانێن سه‌ربازى هەڤدەمە دگەل هێرشێن ترکیا یێن ئاسمانی بۆ سه‌ر رۆژئاڤایێ كوردستانێ و ئاماده‌كاریێن وى وه‌لاتى بۆ ئه‌نجامدانا هێرشا په‌یاده.
