سهقایێ ئەڤشەڤە و سوبەهى یێ چاوایه؟
گاڤ
سهقاناسیا ههرێما كوردستانێ پێشبینیێن بارینا بارانێ بۆ ئهڤرۆ و سوبههى راگههاندن و ئاشكراكر، ئهڤرۆ پشتى نیڤرۆ پێلهكا بارانێ دێ ههرێمێ ڤهگریت.
سهقاناسیا ههرێما كوردستانێ ئهڤرۆ سێ شهمبێ راگههاند، ئهڤرۆ پلهیێن گهرمێ دێ داكهڤن و ئاسمان دێ ب تهمامى عهور بیت و پشتى نیڤرۆ هێدى هێدى ل دهڤهرێن چیایى دێ باران باریت و ئەڤشەڤە دێ ل ناڤ باژێڕان ژى باران باریت.
ههروهسا ئاشكراكر، لهزاتیا باى ئهڤرۆ د ناڤبهرا 10 بۆ 20 كیلۆمتران دایه و مهودایێ دیتنێ ژى 8 بۆ 10 كیلۆمتران.
ههروهسا ئاشكراكر، پێلا بارانێ سوبه ژى دێ بهردهوام بیت و هندهك جاران تاڤیێن بۆش دێ بارن و بریسى ژى دێ ل گهل بن، ل دهڤهرێن چیایى ژى دهلیڤهیا بەفربارینێ هەیە.
سهقاناسیێ گۆتیه: سوبه ژى لهزاتیا باى دێ ناڤنجى بیت و د ناڤبهرا 15 بۆ 30 كیلۆمتران دایه و مهودایێ دیتنێ ژى كێمتره ژ ئهڤرۆ و د ناڤبهرا 6 بۆ 8 كیلۆمتران دایه.