نێچیرڤان بارزانى دێ پشكداریێ د كۆمبوونا ههڤپهیمانییا برێڤهبرنا دهولهتێ دا كهت
گاڤ
ئهندامهكێ مهكتهبا سیاسى یا رێكخستنا بهدر راگههاند، نێچیرڤان بارزانى، سهرۆكێ ههرێما كوردستانێ دێ ل بهغدایێ پشكداریێ د كۆمبوونا ههڤپهیمانییا برێڤهبرنا دهولهتێ دا كهت.
ئهبو میساق مهسارى، ئهندامێ مهكتهبا سیاسى یا رێكخستنا بهدر راگههاند، نێچیرڤان بارزانى دێ پشكداریێ د كۆمبوونا ههڤپهیمانییا برێڤهبرنا دهولهتێ دا كهت و كێشهیێن ههستیار یێن برێڤهبرنا دهولهتێ و دۆسیێن ههستیار دێ هێنه بهحسكرن، ژ وان ژى ئێكلاكرنا پۆستێ سهرۆكێ پهڕلهمانێ ئیراقێ كو دهمهكێ درێژه ئهو پۆست ڤالا مایى.
ههروهسا ئاشكراكریه، سهرۆكوهزیرێن ئیراقێ، محهمهد شیاع سووانى ژى دێ پشكداریێ د كۆمبوونێ دا كهت.
پێشتر ژى دلشاد شههاب، پهیڤدارێ سهرۆكایهتییا ههرێما كوردستانێ د كۆنگرهیهكێ رۆژنامهڤانى دا راگههاند، ل نێزیك سهرۆكێ ههرێما كوردستانێ دێ سهرا بهغدایێ دهت و دێ ل گهل ههڤپهیمانییا برێڤهبرنا دهولهتێ كۆمبیت.