گاڤ

حكومه‌تا ئیراقێ راگه‌هاند: 400 ملیار دینارێن هه‌ردو هه‌یڤێن 11 و 12 دێ بۆ هه‌رێما كوردستانێ هێنه‌ هنارتن.

جڤاتا وه‌زیرێن ئیراقێ ئه‌ڤرۆ كۆمبوو و د راگه‌هاندنا كۆمبوونێ دا دیار كر، 400 ملیار دینارێن هه‌رێما كوردستانێ دێ هێنه‌ خه‌رجكرن و هنارتن، وه‌ك شایسته‌یێن هه‌ردو هه‌یڤێن 11 و 12 یێن ئه‌ڤساله‌، بۆ ڤێ یه‌كێ ژى وه‌زاره‌تا دارایی هاته‌ راسپاردن.

پشتى بریارا ئه‌ڤرۆ یا به‌غدا بۆ هنارتنا 400 ملیار دیناران، حكومه‌تا هه‌رێما كوردستانێ راگه‌هاند: پشتى كۆمبوونا شاندا دانوستاندكارا هه‌رێمێ ل گه‌ل سه‌رۆكوه‌زیرێ ئیراقێ، ئه‌و بریار هاتیه‌دان.