ئهرێ گۆلا سيێ يا ئهرجهنتين ل سهر فرهنسا يا دروست بوو؟
گاڤ
رۆژنامهيهكا فرهنسى ئاشكرا كر كو گۆلا ئهرجهنتيێ يا سيێ ل سهر ههلبژارتيێ فرهنسا د فاينالا مونديالا 2022 دا نهيا دروست بوو و پێدڤى بوو دادڤانى نههژمارتبا.
رۆژنامهيا لێكيپ يا فرهنسى ل گهل هندهك وێنهيان بهلاڤكريه؛ گۆلا سيێ يا ئهرجهنتيێ كو ل خۆلهكا 109 ژ دهمێ زێدهكرى ژ لايێ ليۆنێل مێسى ڤه هاتبوو تۆماركرن نهيا دروست بوو و پێدڤى بوو دادڤانى ئهو گۆل نههژمارتبا.
ديار ژى كريه؛ هێشتا تهپه نهچوويه د گۆلێ دا و ژ هێلا گۆلێ نهبۆرى، هندهك ياريكهرێن يهدهك يێن ئهرجهنتينێ هاتبوونه دناڤ مهيدانێ دا و ئهڤ چهنده ل گۆرهى رێسايێن ياريێ نهيا دروسته.
ئاشكرا ژى كريه؛ ل گۆرهى بڕگهيا 9 ژ ياسايا فيفايێ ژماره 3؛ ئهگهر دادڤانى ديت ياريكهرێن يهدهك ل دهمێ تۆماركرنا گۆلێ يان ژ بهرى وێ هاتنه دناڤ گۆرهپانێ دا، پێدڤيه دادڤان گۆلێ نههژمێريت و بڕيارا فاولهكا ئێكسهر ل جهێ هاتنا وى كهسێ يان وان كهسێن زێده بۆ دناڤ ياريگههێ دا بدهت.
رۆژنامهيا لێكيپ د ههلسهنگاندنا دادڤان سيمۆن مارسينياك دا ب تنێ 2 خال دانێ.
دوهى د ياريا فاينالا مونديالێ دا، ههلبژارتيێ فرهنسا ب لێدانێن ئێكهلاكهر 4-2 ل گهل ههلبژارتيێ ئهرجهنتين هاتبوو دۆراندن پشتى ب دويماهيك هاتنا دهمێ ياريێ و نيڤێن زێدهكرى ب 3-3.