ئه‌مریكا هاریكاریێن نوى گه‌هاندنه رۆژئاڤایێ كوردستانێ
12/22/2022 - 18:29
بەلاڤ بکە
گاڤ
روانگه‌ها سورى بۆ مافێن مرۆڤى ئاشكراكر، هه‌ڤپه‌یمانیا نێڤده‌وله‌تى یا دژى داعشێ كاروانه‌كێ دى یێ هاریكاریان گه‌هانده رۆژئاڤایێ كوردستانێ.
روانگه‌ها سورى دا زانین، ئه‌ڤرۆ هه‌ڤپه‌یمانیا نێڤده‌وله‌تى یا دژى داعشێ ب سه‌رۆكاتیا ئه‌مریكا، ب رێكا ده‌رگه‌هێ وه‌لید یێ دناڤبه‌را هه‌رێما كوردستانێ و رۆژئاڤایێ كوردستانێ دا كاروانه‌كێ دى یێ هاریكاریێن سه‌ربازى گه‌هانده هێزین سووریا دیمۆكراتى.
ل گۆره‌ى روانگه‌هێ، ئه‌و كاروانێ هاریكاریان ژ 25 بارهه‌لگران پێكدهات كو تۆپهاڤێژ و چه‌ك و كه‌لوپه‌لێن سه‌ربازى و لوجستى و تانكه‌ر‌ێن پڕى سوته‌مه‌نى بۆ پاریزگه‌ها حه‌سه‌كێ یا رۆژئاڤایێ كوردستانێ ڤه‌گوهاستینه.
د ماوه‌یێ ڤێ هه‌یڤێ دا هێزێن هه‌ڤپه‌یمانان چه‌ندین كاروانێن دى یێن هاریكاریێن سه‌ربازى بۆ ناوچه‌یێن جودا یێن رۆژئاڤایێ كوردستانێ هنارتینه.
