ئەرێ راستە بهايێ دينارى بلند بوویە؟
گاڤ-دهۆک
بهايێ دينارى بهرانبهر دۆلارى بهرى دهمهكێ كێم ل پارێزگهها دهۆكێ و ل ههرێما كوردستانێ بلند بوو.
رهمهزان عومهر، سهرۆكێ سهنديكا پارهگوهۆڕان لقێ دهۆكێ بۆ گاڤ دياركر؛ د نوكه دا ل پارێزگهها دهۆكێ بهايێ 100 دۆلاران بهرانبهر 168500 دينارايه.
ههروهسا ل پارێزگهها ههولێرێ بهرى دهمهكێ كێم بهايێ 100 دۆلاران بوويه 166500 دينار و ل پارێزگهها سلێمانيێ بوويه 167250 دينار بۆ 100 دۆلاران.
زێدهبوونا بهايێ دينارى پشتى كۆمبوونا بهنكا ناڤهندى يا ئيراقێ ل گهل وهزارهتا گهنجينهيێ يا ئهمريكا ئهڤرۆ ل وهلاتێ توركيا هات.
د دهمهكێ دى دا ژ ئهڤرۆ، عهلى محسن ئيسماعيل پارێزگارێ بهنكا ناڤهندى يا ئيراقى و شاندهكێ ل گهل دا ل توركيا ل گهل براين نێلسۆن هاريكارێ وهزيرێ گهنجينهيێ يێ ئهمريكا و شاندهكێ ل گهل دا كۆمببوو و د ديدارهكێ دا ئاسۆيێن ههڤكارى و ههماههنگيێ دناڤبهرا ئيراقێ و ئهمريكا دا ژ بۆ سهقامگيركرنا بهايێ خهرجكرنا دۆلارى ل ئيراقێ بهحسكربوون.
لايهنێ ئهمريكى بهرههڤيا خۆ بۆ نهرمى نيشاندانێ د بابهتێ بهايێ دۆلارى دا دوپاتكر بوو.
بهايێ دۆلارى بهرانبهر دينارێ ئيراقى د دهمێ چهند حهفتيێن بۆرى دا ب رێژهيا نزيكى 10% داكهفتبوو و رێكارێن ئهمريكى بۆ رێگرتنێ ل رهڤاندنا پارهى ژ ئيراقێ بۆ ژ دهرڤه ب ئێك ژ ئهگهران دهێته هژمارتن.