50% یا پرۆژهیێن پهلاوهران ل پارێزگهها دهۆكێ ئیفلاس بووینه
گاڤ – تایبهت
ل پارێزگهها دهۆكێ 50% یا پرۆژهیێن پهلاوهران ئیفلاس بووینه و خودانێ پرۆژهیهكى دبێژیت: د دو سالێن بهێن دا ههر پرۆژهیهك پترى 200 هزار دۆلاران خوسارهت بوویه.
حەجی قادر، ئێك ژ خودان پرۆژهیێن پهلاوهران ل دهۆكێ بۆ گاڤ گۆت: د ههیاما دو سالێن بوورى دا چ خودان پرۆژهیێن دهۆكێ قازانج ژ كارێ خۆ نهكریه، بهرۆڤاژى ههر پرۆژهیهك پترى 200 هزار دۆلاران خوسارهت بوویه، ئهڤه ژى ژبهر گرانبوونا ئالیكى و ئینانا مریشكێن بیانى یێن بهستیگرتى یه د دهمهكى دا كو ئینانا وان ب بریارا حكومهتێ قهدهغهیه، لێ بازار یێ پرى مریشكا بیانى یه.
گۆت ژى: تا نوكه پترى 50% یا پرۆژهیێن پهلاوهران ل پارێزگهها دهۆكێ ئیفلاس بووینه و خودانێن وان ترومبێل و خانى و مولكێن خۆ فرۆشتینه و دهینداربووینه.
ل گۆرهى نڤیسارهكا وهزارهتا چاندنێ كو دوهى دهرچوویه، تێدا دیاركریه، ژبهر ئهنفلهوهنزا بالندهیان، ئینانا بهرههمێن پهلهوهران ژ تركیا قهدهغهیه، لێ ئهڤرۆ رێڤهبهرێ گشتى یێ گومركێن ههرێمێ داخواز ژ رێڤهبهریێن گومركان كر كار ب نڤیسارا وهزارهتا چاندنێ نههێته كرن، واته ئینانا مریشك و هێكان ژ تركیا دێ بهردهوام بیت.