سوودانى دێ ده‌ستوورێ ئیراقێ هه‌موار كه‌ت
02/08/2023 - 23:06
بەلاڤ بکە
گاڤ
سه‌رۆكوه‌زيرێ ئيراقێ پێشنياره‌ك بۆ هه‌مواركرنا ده‌ستوورێ ئيراقێ راده‌ستى سه‌رۆككومارێ ئيراقێ ب وه‌سفا وى ’په‌يترۆنێ ده‌ستوورى’ كر.
ئۆفيسا راگه‌هاندنێ يا محه‌مه‌د شياع سوودانى به‌لاڤكر؛ جه‌مال ره‌شيد سه‌رۆككۆمارێ ئيراقێ ئه‌ڤرۆ چارشه‌مبيێ پێشوازى ل حه‌سه‌ن ياسرى شيره‌تكارێ سه‌رۆكوه‌زيری بۆ كاروبارێن ده‌ستوورى كر.
د ديداره‌كێ دا، پرۆژه‌يێ سوودانى بۆ هه‌مواركرنا ده‌ستوورى هاته پێشكێشكرن.
د به‌يانا ئۆفيسێ دا هاتيه ژى؛ سوودانى دڤێت هه‌ماهه‌نگى و هه‌ڤكارى دناڤبه‌را سه‌رۆكاتيا كۆمارێ و حكومه‌تێ دا بۆ ته‌به‌نيا پرۆژه‌ى هه‌بيت و پشتى وێ چه‌ندێ هه‌ماهه‌نگى ل گه‌ل ده‌ستهه‌لاتێن دى ژى بهێته كرن.
ده‌ستوورێ ئيراقێ د ده‌نگدانه‌كا جه‌ماوه‌رى يا ئێكسه‌ر دا ل دويماهيكێن سالا 2005ێ هاتبوو په‌سه‌ندكرن.
