ل سه‌ر ئاستێ ئیراقێ مه‌زنترین كۆگه‌هێن ساركرنێ ل پارێزگه‌ها دهۆكێ دهێنه چێكرن
02/09/2023 - 22:02
بەلاڤ بکە
گاڤ – تایبه‌ت
مه‌زنترین كۆگه‌هێن ساركرنێ بۆ هه‌لگرتنا به‌رهه‌مێن جوتیاران ل سه‌ر ئاستێ ئیراقێ ل پارێزگه‌ها دهۆكێ دهێنه چێكرن كو شیانێن وه‌رگرتنا ملیۆن ته‌نان هه‌نه.
ئه‌حمه‌د جه‌میل، رێڤه‌به‌رێ گشتیێ چاندنێ ل پارێزگه‌ها دهۆكێ بۆ گاڤ گۆت: دهۆك دێ بیته ئێكه‌م باژێر ل سه‌ر ئاستێ ئیراقێ و هه‌رێما كوردستانێ ب كۆگه‌هێن ساركرنێ كو ژمارا وان 104 كۆگه‌هن و شیانێن هه‌لگرتنا ملیۆن ته‌نێن به‌رهه‌مێن جوتیاران هه‌نه و نوكه 54 كۆگه‌هـ ته‌مامبووینه و یێن دى ژى د قۆناغا دروستكرنێ دانه.
گۆت ژى: ئێدى جوتیار نه‌چار نابن به‌رهه‌مێن خۆ ب ئه‌رزانى بفرۆشن، به‌لكو ئه‌و دشێن ب پاره‌كێ گه‌له‌ك كێم به‌رهه‌مێن خۆ تا وه‌رزێ زفستانێ ب هه‌لگرن و پاشى ب پاره‌كێ باش بفرۆشن.
