ئيران بۆ وهلاتيێن خۆ: هوين دشێن ب پاسپۆرتێن ئێكسپايهر بۆ چلينيا ئيمام حوسێنى بچنه ئيراقێ
02/16/2023 - 22:51
گاڤ
ئيرانێ ئهڤرۆ پێنجشهمبيێ راگههاند كو وهلاتيێن وێ ب پاسپۆرتێن دهمبسهرڤهچوويى ’ئێكسپايهر’ دشێن بۆ پشكداريێ د چلينيا ئيمام حوسێنى دا سهرهدانا ئيراقێ بكهن.
وهزارهتا ناڤخۆ يا ئيرانێ راگههاند؛ ئيرانێ حالهتهكێ ئاوارته ژ ئيراقێ وهرگرت و ل گۆرهى وێ وهلاتيێن ئيرانى دشێن ب پاسپۆرتێن ئێكسپايهر ژ بۆ پشكداريێ د چلينيا ئيمام حوسێنى دا سهرهدانا ئيراقێ بكهن.
ديار ژى كريه؛ ئهڤ بڕياره بۆ بساناهيكرنا چوونا ئيرانيان بۆ كهربهلا ژ بۆ پشكداريێ د رێورهسمێن چلينيێ دايه.
سهيد مهجيد مير ئهحمهدى جێگرێ وهزيرێ ناڤخۆ يێ ئيرانێ دياركر؛ چوونا ئيرانيان بۆ ئيراقێ ب پاسپۆرتێن ئێكسپايهر ب تنێ بۆ دهمێ چلينيێ يه.
زێده ژى كر: ئهڤ بڕيارا ئيراقێ داى، دێ لڤينا گهشتيارێن ئيرانى بۆ ئيراقێ ب ساناهى كهت.