سەرۆکێ حکومەتێ داخواز ژ کۆمپانیێن فرەنسی کر پتر وەبەرهێنانێ ل هەرێما کوردستانێ بکەن
02/17/2023 - 13:28
گاڤ
سەرۆکێ حکومەتا هەرێما کوردستانێ ئەڤرۆ ل فرەنسا ل گەل وەبەرهێنەر و بزنسمەنین فرەنسی کۆم بوو و داخواز ژێ کر پتر وەبەرهێنانێ ل هەرێما کوردستانێ بکەن.
د چارچووڤەیێ سەرەدانا خۆ دا بۆ فرەنسا ئەڤرۆ مەسروور بارزانی، سەرۆکێ حکومەتا هەرێما کوردستانێ ل بارەگەهێ بزاڤا میدیف یا کۆمپانیێن فرەنسی ل گەل ژمارەکا خودان کۆمپانی، وەبەرهێنەر و بزنسمەنان کۆم بوو و تێدا رەوشا ئابۆری یا گشتی ل هەرێما کوردستانێ، زێدەکرنا ژێدەرێن داهاتی، دانانا ژێرخانەکا ئابۆری و ئاسانکاریێن پێدڤی بۆ وەبەرهێنەران هاتنە بەحسکرن.
سەرۆکێ حکومەتی داخوازا ژ وان کۆمپانیان کر پتر وەبەرهێنانێ ل هەرێما کوردستانێ بکەن و بەرهەڤیا حکومەتێ ژی هەماهەنگیێ و هاریکاریێ دیار کر.