سالڤه‌گه‌ڕا ئێكێ يا شه‌ڕى ل ئۆكراينا.. ئه‌مريكا دێ سزايێن نوى ل سه‌ر رۆسيا سه‌پينيت
بەلاڤ بکە
گاڤ
ئه‌مريكا هه‌ڤده‌م ل گه‌ل سالڤه‌گه‌ڕا ئێكێ يا شه‌ڕى ل ئۆكراينا راگه‌هاند كو ئه‌و دێ سزايێن نوى ل سه‌ر رۆسيا سه‌پينيت.
كارين جان پيێر په‌يڤدارا كۆچكا سپى ئه‌ڤرۆ پێنجشه‌مبيێ راگه‌هاند؛ ئه‌مريكا دێ سزايێن نوى و به‌رفره‌هـ ل سه‌ر ژماره‌يه‌كا كه‌رتێن سه‌ره‌كى يێن داهاتى بۆ ڤلاديمێر پۆتين په‌يدا دكه‌ن، سه‌پينيت.
ديار ژى كر؛ هه‌روه‌سا واشنتۆن دێ سزايان ل سه‌ر به‌نكێن رۆسى و پيشه‌سازيێن به‌رگريێ يێن رۆسى يێن ل وه‌لاتێن دى كار دكه‌ن و هاريكاريا موسكۆ بۆ ره‌ڤينێ ژ سزايان دكه‌ن، سه‌پينيت.
ئاشكرا ژى كر؛ جۆ بايدن سه‌رۆكێ ئه‌مريكا سوبه‌هى ئه‌ينيێ دێ ل گه‌ل سه‌ركرده‌يێن گرۆپێ G7 زێده‌بارى ڤولوديمير زێلێنسكى سه‌رۆكێ ئۆكراينا ب رێكا ڤيديۆيێ ژ بۆ هه‌ماهه‌نگكرنا بزاڤێن پشته‌ڤانيا ئۆكراينا، لێپرسينێ ژ رۆسيا ژ به‌ر شه‌ڕێ وێ و به‌رده‌واميا فشارئێخستنێ ل سه‌ر پۆتينى كۆمبيت.
گۆت ژى "ئه‌مريكا دڤێت شه‌ڕ ب دويماهيك بهێت، لێ چ به‌لگه د ده‌ستێن مه دا نينن كو پۆتينى دڤێت دانوستاندنان بكه‌ت".
سوبه‌هى 24/2/2023 سالڤه‌گه‌ڕا ئێكێ يا شه‌ڕێ رۆسيا ل سه‌ر ئۆكراينا يه كو ب ده‌هان هزار كه‌س تێدا بووينه قۆربانى و ب مليۆنان ئۆكراينى ژ به‌ر وێ ئاواره بووينه.
شه‌ڕ و ئالۆزى تا نوكه ل ژماره‌يه‌كا ده‌ڤه‌ران ل رۆژهه‌لاتێ ئۆكراينا دناڤبه‌را سوپايێن رۆسيا و ئۆكراينا دا به‌رده‌وامن.
