نوشدارێن پارێزگەهەکا ئیراقی بایکۆتا کاری راگەهاند
02/24/2023 - 12:35
گاڤ
نوشدارێن پارێزگەها دیالا یا ئیراقی بایکۆتا کاری راگەهاند و مەرجێ وان بۆ دوبارەکارکرنێ دەستەسەرکرنا بکۆژێن نوشدارەکی یە.
بەری سێ رۆژان، ل پارێزگەها دیالا دکتۆر ئەحمەد مدفەعی کو ئێک ژ بەرنیاسترین نوشدارێن دلی یێن وێ پارێزگەهێ بوو، ب گولـلەیێن ژمارەکا چەکداران هاتە کوشتن.
نوشدارێن دیالا ئەڤرۆ خرڤەبوونەکا نەرازیبوونێ رێک خست و د خڕڤەبوونێ دا دیار کر: تا بکوژێن دکتۆر ئەحمەد مدفەعی نەهێنە گرتن، ئەو کار ناکەن، ژبەر کو دەڤەردارێ بەعقووبە دانپێدان کریە کو ئەو نوشدار ژ ئالیێ گرۆپەکێ چەکدار یێ سەر ب ئالییەکێ سیاسی یێ فەرمی ڤە هاتیە کوشتن.
نوکە ل سەرتاسەری پارێزگەها دیالا، نوشداران کلینیکێن خۆ داخستینە و ل ژڤانێ بەرسڤا حکومەتێ نە.