ئه‌مريكا داخوازيه‌ك ژ لايه‌نێن سياسى يێن كوردستانى كر
03/15/2023 - 18:04
بەلاڤ بکە
گاڤ
سه‌رۆكێ هه‌رێما كوردستانێ و شانده‌كێ ئه‌مريكى چاره‌كرنا كێشه‌يێن هه‌ولێر- به‌غدا به‌حسكرن.
سه‌رۆك نێچيرڤان بارزانى ئه‌ڤرۆ چارشه‌مبيێ د په‌راوێزا ديدارا سلێمانيێ دا ل گه‌ل شانده‌كێ بلند يێ ئه‌مريكى ب سه‌رۆكاتيا تێرى ولف هاريكارێ تايبه‌ت يێ سه‌رۆكێ ئه‌مريكا و شانده‌كێ ل گه‌ل دا كۆمبوو.
سه‌رۆكاتيا هه‌رێمێ راگه‌هاند؛ ره‌وشا سياسى و ئابوورى ل ئيراقێ و هه‌رێما كوردستانێ، چاره‌كرنا كێشه‌يێن هه‌ولێر- به‌غدا و ره‌وشا ده‌ڤه‌رێ ب گشتى د كۆمبوونا هه‌ردو لايان دا هاتنه به‌حسكرن.
شاندێ ئه‌مريكى د كۆمبوونێ دا ئێكرێزيا لايه‌نێن كوردستانى و ب تايبه‌ت پارتى و ئێكه‌تى ب گرنگ لقه‌له‌مدا.
هه‌روه‌سا شاندێ ئه‌مريكى ته‌كه‌ز كر كو ئێكرێزيا لايه‌نان بۆ ده‌ربازكرنا ئالنگارى و ئالۆزيێن ل هه‌رێما كوردستانێ و ئيراقێ يا پێدڤى يه.
