ئه‌مریكا داخواز ژ وه‌لاتیێن خۆ دكه‌ت ده‌ملده‌ست رۆسیا ب جهـ بهێلن
03/30/2023 - 20:31
بەلاڤ بکە
گاڤ
ئه‌مریكا ئه‌ڤرۆ پێنجشه‌مبیێ داخواز ژ وه‌لاتیێن خۆ ل رۆسیا كر كو ده‌ملده‌ست وى وه‌لاتى ب جهـ بهێلن.
د ده‌مه‌كێ دى دا ژ ئه‌ڤرۆ، ده‌ستهه‌لاتێن رۆسى ئیڤان گریشكۆڤێچ رۆژنامه‌ڤانێ وول ستریت جۆرنال ب تۆمه‌تا سیخۆریكرنێ ده‌سته‌سه‌ركربوو و ئه‌ڤ چه‌نده بوویه ئه‌گه‌رێ نه‌رازیبوونا ئه‌مریكا.
كۆچكا سپى یا ئه‌مریكى ئیدانه‌یا ده‌سته‌سه‌ركرنا وى رۆژنامه‌ڤانێ ئه‌مریكى كر و دیاركر كو ئه‌و ل گه‌ل خێزانا وى و حكومه‌تا رۆسى د كۆنتاكێ دایه.
كارین جان پیێر په‌یڤدارا كۆچكا سپى دیاركر؛ پێدڤیه ئه‌مریكى سه‌ره‌دانا رۆسیا نه‌كه‌ن و وه‌لاتیێن ئه‌مریكى ل رۆسیا ده‌ملده‌ست وى وه‌لاتى ب جهـ بهێلن.
ئه‌نتۆنى بلینكن وه‌زیرێ ده‌رڤه یێ ئه‌مریكا د ده‌مه‌كێ دى دا خۆیا كربوو كو ئه‌مریكا ژ ده‌سته‌سه‌ركرنا رۆژنامه‌ڤانه‌كێ ئه‌مریكى ل رۆسیا دلگرانه.
