گاڤ

رودۆلف ریچارد، جێگرێ کۆنسلێ گشتیێ فرەنسا ل هەرێما کوردستانێ ئەڤرۆ سەرەدانا ئامێدیێ کر و ژ ئالیێ وارشین سەلمان محەمەد تاهر، دەڤەردارێ ئامێدیێ ڤە هاتە پێشوازیکرن.

پەیامنێرێ گاڤ ل قەزا ئامێدیێ راگەهاند؛ جێگرێ کۆنسلێ گشتیێ فرەنسا و دەڤەردارێ ئامێدیێ د کۆمبوونەکێ دا چەندین بابەتێن گرێدایی سنۆرێ ئامێدیێ، تایبەت چەوانیا نویژەنکرنا جهێن شوینواری ل وێ دەڤەرێ بەحس کرن، هەروەسا هەردو ئالیان دوپاتی ل گرنگیا نویژەنکرن و پاراستنا جهێن شوینواری کر.

پشتی کۆمبوونێ رودۆلف ریچارد، جێگرێ کۆنسلێ گشتیێ فرەنسا و شاندا ل گەل سەرەدانا جهێن شوینواری یێن دەڤەرا ئامێدیێ ژی کر.