ئه‌ڤرۆ په‌ڕله‌مانێ ئیراقێ دێ به‌حسا چ كه‌ت؟
04/15/2023 - 10:22
بەلاڤ بکە
گاڤ
فه‌رمانگه‌ها راگه‌هاندنا په‌رله‌مانێ ئیراقێ راگه‌هاند، ئه‌ڤرۆ په‌ڕله‌مانێ ئیراقێ بۆ ده‌نگدانێ ل سه‌ر هنده‌ك پڕۆژه‌قانوونان دێ كۆمبیت.
ئه‌ڤرۆ شه‌مبیێ 15-4-2023یێ په‌ڕله‌مانی ئیراقێ دێ كۆمبیت و ل گۆرى كارنامه‌یا كۆمبوونێ ئه‌ڤرۆ دێ ده‌نگ ل سه‌ر پڕۆژه‌قانوونا برێڤه‌برنا ژێده‌رێن ویراسى ب ئاماده‌بوونا لژنه‌یا چاندن و ئاڤ و ئه‌هواران هێته‌دان.
كارنامه‌یا په‌ڕله‌مانى دیاركریه، د روونشتنا ئه‌ڤرۆ دا كو ل ده‌مژمێر 8:30 خۆله‌كى شه‌ڤێ ده‌ستپێدكه‌ت ده‌نگ دێ ل سه‌ر پڕۆژه‌قانوونا راستڤه‌كرنا ئێكێ یا چاڤدێریا خودان پێدڤیێن تایبه‌ت یا ژماره 38 یا سالا 2013ێ هێته‌دان.
هه‌ر ل گۆرى كارنامه‌یا كۆمبوونێ د ته‌وه‌ره‌كێ دى دا خواندنا ئێكێ دێ بۆ پڕۆژه‌قانوونا راستڤه‌كرنا دووێ یا قانوونا كاروبارێن جڤاكى هێته‌كرن.
