مهسروور بارزانى: مه ئهركێ خۆ بجهئینایه و چاڤهڕێینه بهغدا ژى بجهـ بینیت
گاڤ
سهرۆكێ حكومهتا ههرێما كوردستانێ رادگههینیت، مه ئهركێن خۆ بجهئیناینه و چاڤهڕێى نه بهغدا ژى ئهرك و بهرپرساتیا خۆ همبهرى ههرێمێ بجهـ بینیت.
ئهڤرۆ ئێكشهمبێ 7-5-2023یێ مهسروور بارزانى، سهرۆكێ حكومهتا ههرێما كوردستانێ ل گهل مایك برایسن ریچاردسن، بالیۆزێ بریتانیا ل ئیراقێ كۆمبوو، د كۆمبوونێ دا كو رۆزى كهیڤ، كونسلێ گشتى یێ بریتانیا ل ههرێما كوردستانێ ژى ئاماده بوو، دانوستاندن دهربارهیى رهوشا ناڤخۆ یا ههرێما كوردستانێ و گرنگیا چارهكرنا كێشهیێن ههولێر و بهغدایێ هاتهكرن.
سهرۆكێ حكومهتا ههرێما كوردستانێ ئاماژه ب دوماهى ئیمزاكرنا رێككهفتنا تایبهت یا پهترۆلێ دا و دیاركر، ههرێما كوردستانێ ههموو ئهرك و پابهندیێن خۆ بجهئیناینه و چاڤهڕێى حكومهتا ئیراقێ یه ئهرك و بهرپرساتیێن خۆ همبهرى ههرێما كوردستانێ بجهبینیت.
بالیۆزێ بریتانیا پشتهڤانیا وهلاتێ خۆ بۆ چارهكرنا كێشهیێن ناڤبهرا ههرێما كوردستانێ و حكومهتا فیدرالى ل سهر بنهمایێ دهستوورى و رێككهفتنا ناڤبهرا ههولێر و بهغدایێ دوپاتكر.
دهربارهیى رهوشا ههرێما كوردستانێ ژى ههر دو ئالى ههڤڕا بوون ل سهر گرنگیا كرنا ههلبژارتنێن پهڕلهمانێ كوردستانێ ددهمێ خۆ یێ دیاركرى یێ ئهڤ ساله دا.
تهوهرهكێ دى یێ كۆمبوونێ پێدڤیا بجهئینانا رێككهفتنا شنگالێ بوو كو ههر دو ئالیان پشتهڤانیا خۆ بۆ پاراستنا تهماما مافێن ئێزدیان و گهشهپێدانا كلتۆرێ پێكڤهژیانێ د ناڤبهرا پێكهاتان دا دوپاتكر.