پشتى بلندبوونا پله‌یێن گه‌رمیێ بۆ ئاستێن پیڤایى.. به‌فر ل ئسپانیا بارى
بەلاڤ بکە
گاڤ
پێله‌كا به‌فرێ ب سه‌ر هنده‌ك ده‌ڤه‌رێن باكۆرێ ئسپانیا دا گرت پشتى وى وه‌لاتى د حه‌فتیێن بۆرى دا بلندبوونێن پله‌یێن گه‌رمیێ یێن كێم وێنه تۆماركرین.
پشتى چه‌ند هه‌یڤان ژ هشكه‌سالیێ، نه‌بوونا بارانان و زێده‌بوونا پله‌یێن گه‌رمیێ بۆ ئاستێن پیڤایى، به‌فر ل هنده‌ك ده‌ڤه‌رێن باكۆرێ ئسپانیا بارى هه‌روه‌سا بارانێن دژوار ل هنده‌ك ده‌ڤه‌رێن ل سه‌ر كنارێن ئسپانیا یێن ل سه‌ر ده‌ریایا ناڤه‌راست هه‌روه‌سا ده‌ڤه‌رێن كه‌ته‌لۆنیا و ڤالنسیا بارین.
ئاژانسا نووچه‌یان یا فره‌نسى ئه‌ڤرۆ شه‌مبیێ به‌لاڤكریه؛ ل ئسپانیا به‌فر ل ده‌ڤه‌را لا رایا یا چیایى بارى، هه‌روه‌سا بارانێن دژوار ل كنارێن ئسپانیا ل سه‌ر ده‌ریایا سپى یا ناڤه‌راست بارین پشتى چه‌ند هه‌یڤان ژ كێمبوونا رێژه‌یێن بارانێ.
هه‌ر ژ ده‌ستپێكا ئه‌ڤ ساله، ئسپانیا 11 رۆژان ل دویڤ ئێك پله‌یێن گه‌رمیێ یێن بلندتر ژ ئاستێ ستاندارد د ڤى ده‌مێ سالێ دا تۆماركربوون.
هه‌روه‌سا د هه‌یڤا بۆرى دا، پێله‌كا گه‌رمیێ یا ده‌گمه‌ن ب سه‌ر ئسپانیا دا گرتبوو.
