گرۆپا ڤاگنه‌ر یا چه‌كدارێن رۆس یاخیبوونا خۆ راگه‌هاند و شه‌ڕ دژى موسكۆ راگه‌هاند و دبێژن دێ رۆسیا ئازادكه‌ن، كۆچا سپى یا ئه‌مریكى ژى راگه‌هاند،ئه‌و ب هویرى چاڤدێریا ره‌وشێ دكه‌ن.

ئێڤگینی پریگۆجین، فه‌رمانده‌یێ گرۆپا ڤاگنه‌ر د تۆماره‌كا ده‌نگى دا ب فه‌رمى شه‌ڕ  دژى سوپایێ رۆسیا راگه‌هاند و دیاركر، هژمارما چه‌كدارێن وان 25 هزار كه‌سه‌ و دخوازن رۆسیا ئازاد بكه‌ن ژ ده‌ستهه‌لاتا نها یا رۆسیا.

ژ ئالیێ خۆڤه‌، جڤاتا ئاسایشا كۆچكا سپى یا ئه‌مریكى راگه‌هاند، ئه‌و ب هویرى چاڤدێریا ره‌وشا ناڤخۆیا رۆسیا دكه‌ن.

جۆن كێربى، په‌یڤدارێ جڤاتا ئاسایشا كۆچكا سپى ل دۆر ره‌وشا ناڤخۆیا رۆسیا و شه‌ڕێ گرۆپا ڤاگنه‌ر دژى سوپاى دبێژیت: ب هویرى چاڤدێریا لڤینێن ڤاگنه‌ر دكه‌ین و دگه‌ل هه‌ڤپه‌ینانان دانوستاندنێ لسه‌ر دكه‌ن.

كێربى راگه‌هاند ژى، وى سه‌رۆكێ ئه‌مریكا جۆ بایدن لسه‌ر هه‌مى پێشهاتان ئاگه‌هدار كرى یه.