سهرۆك نێچیرڤان بارزانى: گهلێ كوردستانێ ل جهژنێ ژ ههمى تشتان پتر چاڤهرێ ئێكرێزیا ئالیێن سیاسى یه
گاڤ
سهرۆك نێچیرڤان بارزانى د پهیامهكێ دا ب ههلكهفتا جهژنا قوربانێ راگههاند، گهلێ كورد ژ ههمى تشتان پتر چاڤهرێى ئالیێن سیاسی یه جهژنێ بكهنه دهلیڤهیهك بۆ ئێكڕێزیێ داكو پاشهرۆژكا باشتر ههبیت.
سهرۆك نێچیرڤان بارزانى، سهرۆكێ ههرێما كوردستانێ، ب ههلكهفتا جهژنا قوربانێ پهیامهك بهلاڤكر و خواست بلا واتهیێن جهژنێ و گهردهن ئازاكرن و پێكهاتن ببنه دهلیڤهیهك بۆ نویكرنا پهیوهندیان و ڤهكرنا بهرهپهرهكێ نوى دگهل ئێكدو.
سهرۆك نێچیرڤان بارزانى د پهیاما خۆ دا، ههروهسا دبێژیت: گهلێ كوردستانێ ژ ههمى تشتان پتر چاڤهرێى وێ ئێكێ ژ هێز و ئالیێن سیاسى دكهت، جهژنێ بكهنه دهرفهتا ئێكڕێزی و تهبایی و پێكڤهبوونێ، داكو ههمى پێكڤه بشێن، بهرهڤ پاشهرۆژهكا باشتر پێنگاڤان بهاڤێژن، ئهڤجا بلا ههمى ئالییهك بهرهڤ وێ چاڤهرێبوونێ ڤه بچن.