گاڤ

ئه‌مركیا ب پێدڤى د زانیت نه‌ته‌وه‌یێن ئێكگرتى له‌زێ د لێكۆلینان دا بكه‌ت ده‌رباره‌یى كڕین و فرۆشتنا فڕۆكه‌یێن بێفڕۆكڤان د ناڤبه‌را رۆسیا و ئیرانێ دا و ب مه‌ترسیه‌كا جیهانى ژى ناڤكر.

لیندا تۆماس، نوونه‌را هه‌رده‌مى یا ویلایه‌تێن ئێكگرتى یێن ئه‌مریكا دبیژیت: دڤێت لێكۆلین ب به‌لگه‌ و پشكنین بۆ وان چه‌كان بهێته‌كرن یێن رۆسیا ل ئۆكراینا بكاردئینیت و دڤێت ژى لێكۆلین بۆ كڕین و فرۆشتنا فڕۆكه‌یێن بێفڕۆكڤان د ناڤبه‌را ته‌هران و مۆسكۆ دا بهێته‌كرن.

هه‌روه‌سا تۆماس دیاركریه‌، كڕین و فرۆشتنا ب وى جۆرێ مه‌ترسى ل گۆرى بڕیارا جڤاتا ئاسایشا نێڤده‌وله‌تى قه‌ده‌غه‌یه‌ و دڤێت هه‌ر چ زوویه‌ لێكۆلین ده‌ستپێبكه‌ن.