سوودانى بۆ بالیۆزخانه و نوینهرایهتیان: ب رێككهفتنا ڤیێنا د پێگیرین
گاڤ
سهرۆكوهزیرێ ئیراقێ بۆ ژمارهیهكا بالیۆز و نوینهرێن وهلاتێن بیانى ل ئیراقێ دوپاتكر كو ئیراق ب رێككهفتنا ڤیێنا یا پێگیره.
د رۆژێن بۆرى دا، ژمارهیهكا خۆنیشاندهران و لایهنگرێن سهدرى هندهك خۆنیشاندان كربوون و چووبوونه دناڤ بالیۆزخانهیا سویدێ دا ل بهغدا و ئاگر بهردابوونێ وهك نهرازیبوون ل سهر رویدانا سۆتنا قورئانێ ژ لایێ پهنابهرهكێ ب رهگهز ئیراقى ڤه ل سوید.
محهمهد شیاع سوودانى سهرۆكوهزیرێ ئیراقێ ئهڤرۆ دوشهمبیێ ژمارهیهكا بالیۆز و نوینهرێن وهلاتان ل ئیراقێ مێهڤانكرن و تێدا دوپاتكر كو ئیراق ب رێككهفتنا ڤیێنا یا پێگیره.
ههروهسا سوودانى دیاركر؛ بلا ل دویڤ شهرهنیخان نهچین و نهبینه مهیدانا ئێكلاكرنا ههڤڕكیان.
سهرۆكوهزیرێ ئیراقێ داخوازا راوهستاندنا بێرێزیكرنێ ب قورئانێ كر ههڤدهم بۆ نوینهرێن ژمارهیهكا وهلاتێن ئهورۆپى و جیهانى دوپاتكر كو حكومهتا ئیراقێ یا پێگیره ب پاراستنا ئێمناهی و سلامهتیا ههمى نوینهرایهتیێن دپلۆماسى ل گۆرهى رێككهفتنا ڤیێنا یا رێكخستنا پهیوهندیێن دپلۆماسى.
ژ لایێ خۆڤه، نوینهرێن وهلاتێن بیانى سۆتنا قورئانێ ئیدانهكرن و بهرههڤیا وهلاتێن خۆ بۆ ههڤكاریا ئابوورى ل گهل ئیراقێ دهربڕین.