گاڤ

وه‌زاره‌تا ده‌رڤه‌ یا ئیرانێ راگه‌هاند، سوبه‌هى دوماهى ژڤانێ رێككه‌فتنا ئیراق و ئیرانێ یه‌ و ئه‌و رێككه‌فتن تایبه‌ته‌ ب هێزێن رۆژهه‌لاتا كوردستانێ و ئیران د خوازیت ئیراق وێ رێككه‌فتنێ وه‌ك خۆ بجهـ بینیت.

ناسر كه‌نعانى، په‌یڤدارێ وه‌زاره‌تا ده‌رڤه‌ یا ئیرانێ ئه‌ڤرۆ دوشه‌مبێ 18-9-2023یێ د كۆنگره‌یێ خۆ یێ رۆژنامه‌ڤانى یێ حه‌فتیانه‌ دا راگه‌هاند، هه‌بوونا هێزێن رۆژهه‌لات ل هه‌رێما كوردستانێ به‌رۆڤاژى ئاسایشا سنۆرى یا ناڤبه‌را ئیراق و ئیرانێ یه‌.

هه‌روه‌سا ئاشكراكر، كۆمارا ئیسلامى یا ئیرانێ هه‌بوونا وان هێزان قه‌بوول ناكه‌ت و ئیراقێ راگه‌هاندیه‌، ئه‌و پابه‌ندى بجهئینانا رێككه‌فتنێ یه‌ و ئیران ژى چاڤه‌ڕێى بجهئینانێ یه‌.