سه‌رۆكێ حكومه‌تێ: حكومه‌تا هه‌رێمێ ئه‌گه‌رێ گیرۆبوونا مووچه‌یان نینه
بەلاڤ بکە
گاڤ
سه‌رۆكێ حكومه‌تا هه‌رێما كوردستانێ دیاركر كو حكومه‌تا هه‌رێمێ ئه‌گه‌رێ گیرۆبوونا مووچه‌یان نینه.
سه‌رۆكوه‌زیر مه‌سروور بارزانی هه‌روه‌سا ئاماژه ب وێ چه‌ندێ ژى كر كو مووچه دێ هێته قه‌ره‌بۆكرن لێ خواندن ناهێته قه‌ره‌بۆكرن وه‌ك ئاماژه‌یه‌كێ بۆ بایكۆتا هنده‌ك مامۆستایان بۆ ناڤه‌ندێن خواندنێ ل هنده‌ك ده‌ڤه‌ران.
سه‌رۆكێ حكومه‌تێ د په‌یڤه‌كێ د چارچووڤه‌یێ ئاهه‌نگا ده‌رچوونێ یا زانكۆیا كوردستانێ- هه‌ولێر دا دیاركر "حكومه‌تا هه‌رێمێ ئه‌گه‌رێ گیرۆبوونا مووچه‌یان نینه".
ل دۆر بایكۆتكرنا ناڤه‌ندێن خواندنێ ژ لایێ هنده‌ك مامۆستایان ڤه ل پارێزگه‌هێن سلێمانیێ و هه‌له‌بجه و ئیداره‌یێن سه‌ربخۆ یێن گه‌رمیان و راپه‌رین گۆت "مه رێزه‌كا مه‌زن بۆ مامۆستایان هه‌یه لێ ئه‌م ناهێلین پرۆسێسا خواندنێ براوه‌ستیت"
سه‌رۆكێ حكومه‌تێ زێده ژى كر كو ل هنده‌ك ده‌ڤه‌ران خواندن ده‌ستپێنه‌كریه و داخواز ژ مامۆستایان كر ڤه‌گه‌ڕنه‌ڤه ناڤه‌ندێن خواندنێ و گۆت "مووچه دێ هێته قه‌ره‌بۆكرن لێ خواندن ناهێته قه‌ره‌بۆكرن".
