گاڤ

ده‌ستهه‌لاتا دادوه‌رى یا فره‌نسى فه‌رمانێن ده‌سته‌سه‌ركرنێ بۆ چار به‌رپرسێن مه‌زن یێن به‌رێ د سۆپایێ سووریا دا ده‌ركرن.

فه‌رمانێن ده‌سته‌سه‌ركرنێ ژ به‌ر گۆمانا به‌رپرسیاریا وان چار به‌رپرسێن له‌شكه‌رى د بۆمبه‌بارانكرنا نه‌خۆشخانه‌یا ده‌رعا دا ل سالا 2017 هات كو تێدا كه‌سه‌كێ مه‌ده‌نى یێ فره‌نسى- سوورى گیانێ خۆ ژده‌ستدابوو، وه‌كى ژێده‌ره‌كێ نزیك ژ بابه‌تى راگه‌هاندى و به‌رى وى رۆژنامه‌یا لومۆند یا فره‌نسى به‌لاڤكرى.

ژ وان به‌رپرسێن فه‌رمانێن ده‌سته‌سه‌ركرنێ ژ لایێ دادوه‌رێ لێكۆلینێ یێ فره‌نسى ڤه‌ بۆ هاتینه‌ ده‌ركرن ل گۆره‌ى ئاژانسا فرانس پرێس، فه‌هه‌د جاسم ئه‌لفریج وه‌زیرێ به‌رگریێ یێ به‌رێ یێ رژێما ئه‌سه‌دى بوو ب تۆمه‌تا "پشكداریكرن د هێرشه‌كا ب ئه‌نقه‌ست دا ل دژى خه‌لكێ مه‌ده‌نى كو تاوانه‌كا جه‌نگى یه‌".

به‌رى نوكه‌ ژى فره‌نسا رێكارێن دادوه‌رى ل دژى به‌رپرسێن سووری یێن پشكدار د بنپێكرنا مافێن مرۆڤى دا ده‌ستپێكربوون و ب تایبه‌ت د دوسیه‌یا كۆشتارگه‌ها تاخێ ته‌زامون دا و به‌لگه‌نامه‌یێن وێ ژ بۆ لێكۆلینێ ئاراسته‌ى ئۆفیسا داواكارێ گشتى یێ نیشتیمانى بۆ به‌رسینگگرتنا تیرۆرێ كربوون.