گاڤ

پەیڤدارێ سەرۆکاتییا هەرێما کوردستانێ هەلوەستێ سەرۆکاتییا هەرێما کوردستانێ دەربارەی رەوشا نوکە یا هەرێمێ ئاشکرا کر و دەربارەی پەیوەندییێن ل گەل ئیراقێ، راگەهاند: سەرۆک نێچیرڤان بارزانی ل دەمەکێ نێزیک دێ چیتە بەغدا.

دلشاد شەهاب، پەیڤدارێ سەرۆکاتییا هەرێما کوردستانێ د کۆنگرەیەکێ رۆژنامەڤانی دا راگەهاند: هەلوەستێ سەرۆکاتییا هەرێما کوردستانێ بەرانبەر ئالییێن سیاسی ئەوە کو پێدڤییە رێک بکەڤن، ژبەر کو هەڤڕکی و رێکنەکەفتنا وان ل دەمێن بۆری، گورزێن سیاسی و یاسایی یێن مەزن ل هەرێما کوردستانێ دان.

دەربارەی هەلبژارتنێن پەرلەمانێ کوردستانێ، پەیڤدارێ سەرۆکاتییا هەرێمێ دیار کر: پێدڤییە زەمینەسازی بۆ هەلبژارتنێن پەڕلەمانی بهێتە کرن و سەرۆکێ هەرێما کوردستانێ دوپات دکەت کو نابیت ڤالاهییا یاسایی ل هەرێما کوردستانێ دروست ببیت.

دەربارەی پەیوەندییێن هەولێرێ و بەغدا، دلشاد شەهاب، پەیڤدارێ سەرۆکاتییا هەرێما کوردستانێ راگەهاند: ل دەمەکێ نێزیک سەرۆک نێچیرڤان بارزانی دێ چیتە بەغدا و پشکداری کۆمبوونا هەڤپەیمانییا برێڤەبرنا دەولەتێ بیت.