سهرۆك نێچرڤان بارزانى و بالۆزێ بریتانیا چهندین مژار بهحسكرن
گاڤ
ئهڤرۆ نیڤرۆ نێچیرڤان بارزانى، سهرۆكێ ههرێما كوردستانێ ل گهل بالیۆزێ بریتانیا ل ئیراقێ پرسا ههلبژارتنێن پهڕلهمانێ كوردستانێ و رهوشا ناڤخۆ یا ههرێمێ و پهیوهندیێن ههولێر و بهغدایێ بهحسكرن.
سهرۆكایهتییا ههرێما كوردستانێ راگههاند، ئهڤرۆ نیڤرۆ 27-3-2024ێ نێچیرڤان بارزانى، سهرۆكێ ههرێما كوردستانێ ل گهل ستیڤن هیچن، بالیۆزێ برێتانیا ل ئیراقێ كۆمبوو، ههلبژارتنێن پهڕلهمانێ كوردستانێ، رهوشا ناڤخۆ یا ههرێمێ و پهیوهندیێن ههولێر و بهغدایێ بهحسكرن.
ههر دو ئالییان دوپاتى ل گرنگى و ئهنجامدانا ههلبژارتنان كر و بهحس ل ههستیارییا رهوشێ و پێدڤییا چارهكرنا كێشه و ئالۆزیێن ناڤبهرا ئالیێن سیاسى كر بۆ بهرهنگاربوونا ئاستهنگان و ههروهسا ههڤڕابوون كو كێشهیێن ههولێر و بهغدایێ ب رێكا دیالۆگ و ل سهر بنهمایێ دهستوورى و پاراستنا مافێن ههموویان بهێنه چارهكرن.
رهوش و پێشهاتێن ناوچێ و هندهك مژارین دى یێن جهێ گرنگییا ههر دو ئالییان تهوهرهكێ دى یێ كۆمبوونا سهرۆك نێچیرڤان و بالۆزێ بریتانیا بوون.