گاڤ

ویلایه‌تا فلۆریدا یا ئه‌مریكى یاسایه‌ك په‌سه‌ندكریه‌ و ل گۆره‌ى وێ ئه‌و كه‌سێن ته‌مه‌نێ وان ژ 14 سالان كێمتر نه‌شێن ئه‌كاونتان ل سه‌ر چ پلاتفۆرمێن سۆشیال میدیایێ دروست بكه‌ن.

هه‌ر ل گۆره‌ى یاسایا نوى، سنێله‌یێن ته‌مه‌نێ وان دناڤبه‌را 14 و 15 سالان دا، دێ پێدڤى ب رازیبوونا ده‌یكوبابان بن دا كو بشێن ئه‌كاونتان دروست بكه‌ن، وه‌كى ئاژانسێن نووچه‌یان ئاماژه‌پێكرین.

ئه‌و یاسایه‌ هاتیه‌ په‌سه‌ندكرن و ژڤانه‌ هه‌ر ژ هه‌یڤا كانوینا دوێ یا سالا بهێت بكه‌ڤیته‌ د وارێ بجهئینانێ دا، ئه‌و یاسایه‌ هات پشتى نیگه‌رانیێن ل دۆر كارتێكرنا سۆشیال میدیایێ ل سه‌ر زارۆك و سنێله‌یان ل ئه‌مریكا.

پترییا پلاتفۆرمێن سۆشیال میدیایێ ته‌مه‌نێ 13 سالان كرینه‌ مه‌رجه‌ك بۆ دروستكرنا ئه‌كاونته‌كێ.