رۆنكرنهك ژ وهزارهتا دارایى و ئابوورى ل دۆر مووچهیێن شوباتێ یێن وهزارهت و دهستهیێن مایى
03/28/2024 - 20:34
گاڤ
وهزارهتا دارایى و ئابوورى یا ههرێما كوردستانێ راگههاند؛ ل نزیكترین دهم دێ خشتهیێ مووچهیێن وهزارهتێن مایى بهلاڤكهین و د حهفتییا بهێت دا دێ سهرجهم مووچهیان دابهشكهین.
وهزارهتا دارایى و ئابوورى راگههاند "سهبارهت مووچهیێن ههیڤا شوباتێ یێن هێزێن پێشمهرگهى و دهزگههێن ئهمنى و ئهو جهێن ناڤێن وان د لیستا مووچهى دا نههاتینه بهلاڤكرن، د نزیكترین دهم دا دێ خشتهیێ مووچهیێن وان بهلاڤكهین".
ديار ژى كریه "د حهفتییا بهێت دا دێ مووچهیێن ههیڤا شوباتێ یێن سهرجهم مووچهخۆر و فهرمانبهران دابهشكهین".
وهزارهتا دارایى و ئابوورى د دهمهكێ دى دا ژ ئهڤرۆ لیستا مووچهیان یا ههیڤا شوباتێ یا هندهك وهزارهت و دهستهیان راگههاند بوو، لێ هندهك وهزارهت و دهسته دناڤ دا نهبوون.