سەرۆکێ هەرێمێ و سەرۆکێ جڤاتا دادوەرییا ئیراقێ چەندین بابەتێن گرنگ گۆتوبێژکرن
بەلاڤ بکە
گاڤ
سەرۆکێ هەرێما کوردستانێ و سەرۆکێ جڤاتا بلند یا دادوەرییا ئیراقێ ئەڤرۆ کۆمبوون و هەردو ئالییان دوپاتی ل چارەکرنا کێشەیان ل سەر بنەمایێ دەستووری کر.
سەرۆکاتییا هەرێما کوردستانێ راگەهاند: ئەڤرۆ رۆژا ئێکشەمبی، نێچیرڤان بارزانی، سەرۆکێ هەرێما کوردستانێ ل بەغدا ل گەل فایق زێدان، سەرۆکێ جڤاتا بلند یا دادوەرییا ئیراقێ کۆم بوو و د کۆمبوونێ دا بەحسێ پرۆسەیا سیاسی یا ئیراقێ و دوماهی پێشهاتێن ئیراقێ ب رەنگەکێ گشتی و بزاڤێن چارەکرنا کێشەیێن د ناڤبەرا هەولێرێ و بەغدا ل سەر بنەمایێن دەستووری کر.
هەر د کۆمبوونێ دا هەردو ئالییان دوپاتی ل گرنگییا هەبوونا هەماهەنگییەکا زێدەتر د ناڤبەرا دەستهەلاتێن دادوەری یێن هەرێما کوردستانێ و ئیراقێ دا کر.
سەربەخۆییا دەستهەلاتا دادوەری، پاراستنا مافێن هەموو پێکهاتەیێن ئیراقێ و چەندین پرسێن دی یێن جهێ گرنگییا هەڤپشک، تەوەرەکێ دی یێ کۆمبوونێ بوون.
