ئیراق بۆ هاورده‌كرنا برنجێ ل رێزا شه‌شێ ل سه‌ر ئاستێ جیهانێ هات
بەلاڤ بکە
گاڤ
ئیراق بۆ هاورده‌كرنا برنجى ل رێزا شه‌شێ ل سه‌ر ئاستێ جیهانێ هات كو د ساله‌كێ دا ب بهایێ پتر ژ ملیار دۆلاران برنج هاورده‌كریه.
رێكخراوا خوارن و چاندنێ یا گرێداى نه‌ته‌وه‌یێن ئێكگرتى راگه‌هاند؛ ئیراقێ د ئه‌ڤ ساله دا ب بهایێ 1.11 ملیار دۆلاران برنج هاورده‌كریه و ب ڤێ چه‌ندێ ل رێزا شه‌شێ ل سه‌ر ئاستێ وه‌لاتێن جیهانێ بۆ هاورده‌كرنا برنجى دهێت.
د وه‌رزێ 2023-2024 دا، چین ل رێزا ئێكێ ل جیهانێ بۆ هاورده‌كرنا برنجى دهێت كو ب بهایێ 2.62 ملیار دۆلاران برنج هاورده‌كریه، ئیران ل رێزا دوێ دهێت كو ب بهایێ 2.05 ملیار دۆلاران برنج هاورده‌كریه و ئه‌مریكا ل رێزا سیێ دهێت كو ب بهایێ 1.40 ملیار دۆلاران برنج هاورده‌كریه.
دیار ژى كریه "د به‌رانبه‌ر دا، ئیراق سالانه 20 هزار ته‌نێن برنجى به‌رهه‌م دئینیت و ب ڤێ چه‌ندێ وه‌لاتێ چارێ یه بۆ به‌رهه‌مئینانا برنجى ل سه‌ر ئاستێ وه‌لاتێن عه‌ره‌بى".
دناڤ وه‌لاتێن عه‌ره‌بى دا، مسر بۆ به‌رهه‌مئینانا برنجێ ل رێزا ئێكێ دهێت ب 3.78 ملیۆن ته‌نان، موریتانیا ل رێزا دوێ ب 240 هزار ته‌نان و مه‌غریب ل رێزا سیێ ب 45 هزار ته‌نان دهێن.
