"پێدڤيیه مرۆڤ رۆژانه نه‌زێده‌تر ژ 30 خۆله‌كان ئالاڤێن سۆشیال میدیایێ بكاربینیت"
04/11/2024 - 23:02
بەلاڤ بکە
گاڤ
زانایه‌كا ده‌ماران ئاماژه دایه وى ده‌مێ كو پێدڤییه مرۆڤ رۆژانه د بكارئینانا ئه‌پلیكه‌یشن و ئالاڤێن سۆشیال میدیایێ دا ژێ نه‌بۆریت دا كو ژ مه‌ترسیێن ساخله‌میێ یێن وێ دویر ببیت.
رۆژنامه‌یا ده‌یلى مه‌یل ژ راشێل سه‌مه‌رز شاره‌زایا پزیشكى ڤه‌گوهاستیه "بۆراندنا ده‌مه‌كێ درێژ رۆژانه د بكارئینانا پلاتفۆرمێن سۆشیال میدیایێ دا ره‌نگه ببیته ئه‌گه‌رێ په‌یدابوونا ئاریشه‌یێن مه‌ترسیدار".
ئاشكرا ژى كریه "پێدڤییه رۆژانه ب تنێ 30 خۆله‌كان د بكارئینانا ئالاڤێن سۆشیال میدیایێ دا ببۆرینى".
ل گۆره‌ى وێ شاره‌زایێ، كێمكرنا بكارئینانا سۆشیال میدیایێ دبیته ئه‌گه‌رێ مانا مێشكى د حاله‌تێ چالاكیێ دا و پاراستنا ئه‌ركێن مه‌عریفى.
ئاماژه ب وێ چه‌ندێ ژى كریه "بكارئینانا زێده یا ئینستاگرام، تیك تۆك و ئێكس ره‌نگه ببیته ئه‌گه‌رێ خه‌مۆكیێ و دودلیێ".
