گاڤ

دهێته‌ پێشبینیكرن گوهۆڕینێن سه‌قاى هه‌تا سالا 2050 ببنه‌ ئه‌گه‌رێ گه‌هاندنا زیانێن دارایى ب نزیكى 38 تریلیۆن دۆلاران ب ئابوورێ جیهانێ.

لێكۆلینه‌كا نوى ئاشكرا كریه‌؛ گوهۆڕینێن سه‌قاى دیار دكه‌ن كو ده‌ردانا گازا دوه‌م ئۆكسیدا كاربۆنێ ئه‌وا د ئه‌تمۆسفێرى دا هه‌ى دێ بیته‌ ئه‌گه‌رێ گه‌هشتنا زیانان ب بڕێ نزیكى 38 تریلیۆن دۆلاران ئانكۆ زیانێن ب رێژه‌یا 20% بۆ ئابوورێ جیهانێ.

ل گۆره‌ى لێكۆلینه‌كا د كۆڤارا نه‌یچه‌ر دا به‌لاڤبووى؛ لێكۆله‌ران دیاركرینه‌ كو كێمكرنا ده‌ردانا گازان د نزیكترین ده‌م دا كاره‌كێ سه‌ره‌كى یه‌ ژ بۆ دویركه‌فتنێ ژ كارتێكرنێن نه‌رێنى یێن سه‌قاى ل سه‌ر ئابوورێ جیهانێ پشتى سالا 2050.

ماكس كوتس به‌رهه‌ڤكارێ سه‌ره‌كى یێ لێكۆلینێ یه‌، د ناڤه‌رۆكا لێكۆلینێ دا داخواز هاتیه‌ كرن مرۆڤ ژ وان چالاكییان دویر بكه‌ڤن یێن دبنه‌ ئه‌گه‌رێ زێده‌بوونا پله‌یێن گه‌رمیێ پتر ژ سنوورێن ده‌ستنیشاكرى د رێككه‌فتنا پاریس یا سالا 2015 دا ژ وان ژى كێمكرنا ده‌ردانا گازێن زیانبه‌خش.

لێكۆلینێ پێشبینی كریه‌؛ ژ به‌ر گوهۆڕینێن سه‌قاى داهاتێ فره‌نسا ب رێژه‌یا 13% و داهاتێ هه‌ر ئێك ژ ئه‌مریكا و ئه‌لمانیا ب رێژه‌یا 11% ژ به‌ر گوهۆڕینێن سه‌قاى كێم ببن.

لێكۆله‌ران د پێشبینیێن خۆ دا، پشتبه‌ستن ل سه‌ر داتایێن ئابوورى و سه‌قاى یێن نزیكى 40 سالان ل 1600 ده‌ڤه‌ران ل جیهانێ كرینه‌.