گاڤ

رێكخراوا ساخله‌مییێ یا جیهانى راگه‌هاند؛ ڤاكسینه‌كێ نوى یێ نه‌خۆشییا كۆلێرایێ ل ڤان نێزیكان دێ به‌رده‌ست بیت كو ب شێوه‌یه‌كێ ب ساناهیتر و ب له‌زتر دهێته‌ به‌رهه‌مئینان و هه‌مان كاریگه‌رییا ڤاكسینێن به‌رى نوكه‌ هه‌یه‌.

ڤاكسینێ نوى ب شێوه‌یه‌كێ ب ساناهیتر و ب له‌زتر ژ ڤاكسینێن به‌رى نوكه‌ دهێته‌ به‌رهه‌مئینان و ب ڤێ چه‌ندێ دێ به‌رهه‌مئینانا وى ڤاكسینى د ده‌مه‌كێ كێم دا ب ساناهیتر بیت هه‌روه‌سا تێچوویێن وێ كێمتر بن.

ئه‌و ڤاكسینه ‌ب ناڤێ Euvichol-S ـه و ب ڤاكسینه‌كێ ساده‌ یێ دژى نه‌خۆشییا كۆلێرایێ دهێته‌ هژمارتن ل ده‌مه‌كێ كۆلێرا ل ژماره‌یه‌كا ده‌ڤه‌رێن جیهانێ به‌ربه‌لاڤه‌.

WHO د به‌یانه‌كێ دا راگه‌هاند "ڤاكسینێ Euvichol-S پێكهاته‌یه‌كا ساده‌یه‌ ژ Euvichol-Plus ل گه‌ل پێكهاته‌یێن كێمتر، ب ڤێ چه‌ندێ دێ بڕه‌كا مه‌زنتر ژ ڤاكسینى ب له‌زتر هێته‌ به‌رهه‌مئینان".

ڤاكسین ب رێكا ده‌ڤى ب زارۆكان دهێته‌ دان و هه‌مان كاریگه‌رییا ڤاكسینێن به‌رى نوكه‌ هه‌یه‌.

رێكخراوا ساخله‌میێ یا جیهانى دیاركریه‌ "تێكرایێ كاریگه‌رییا ڤاكسینێ Euvichol-S وه‌كى كاریگه‌رییا ڤاكسینێن دى Euvichol و Euvichol-Plus ـه‌".