راپۆرتێن میدیایى: چاڤى ژ بڕیارا خۆ لێڤهبوویه
گاڤ
ژمارهیهكا راپۆرتێن میدیایى ئهڤرۆ دوشهمبییێ ئاشكراكرن؛ راهێنهرێ بهرشلۆنا ژ بڕیارا خۆ یا هێلانا یانهیێ لێڤهبوویه و دڤێت د وهزرێ بهێت دا ل گهل یانهیێ بمینیت.
چاڤى هێرناندێز راهێنهرێ بهرشلۆنا ل ههیڤا كانوینا دوێ یا بۆرى راگههاند بوو كو ل گهل ب دویماهیك هاتنا ڤى وهرزى ئهو دێ بهرشلۆنا هێلیت، ههڤدهم یانهیێ ل ڤى وهرزى چ ناسناڤ بدهستڤهنهئیناینه و دهلیڤهیا بدهستڤهئینانا خۆلا ئسپانیا ژى پشتى دۆڕاندنا كلاسیكۆیێ ب ئهنجامێ 3-2 ل گهل ریال مهدرید دوهى ئێكشهمبییێ د چارچووڤهیێ گهڕا 32 ژ خۆلا لالیگا دا ژدهستدایه.
ل گۆرهى هندهك راپۆرتێن میدیایى؛ چاڤى بڕیار دایه د پۆستێ خۆ دا بمینیت و دێ د روینشتنهكێ دا ل گهل بهرپرسێن یانهیێ هویركاتیێن ڤێ چهندێ بهحسكهت.
رادیۆیا RAC1 دیاركریه "چاڤى راهێنهرێ بهرشلۆنا داخوازا كۆمبوونێ ل گهل كارگێرییا وهرزشى یا بهرشلۆنا ژ بۆ گهنگهشهكرنا بهردهوامییا وى ل گهل یانهیێ د وهرزێ بهێت دا كریه".
ئاشكرا ژى كریه "راهێنهرێ بهرشلۆنا داخوازا گرهنتییێن ب هێز كریه دا كو بهرشلۆنا د مێركاتۆیا هاڤینا بهێت دا بشێت رێزێن خۆ ب هێز بێخیت ئهگهر وى بڕیار دا بمینیته دناڤ یانهیێ دا".
ههروهسا رۆژنامهیێن سپۆرت و موندۆ دێپۆرتیڤۆ یێن ئسپانى ژى دیاركرینه "چاڤى یێ ڤهكرى یه بۆ هزرا مانێ ل گهل بهرشلۆنا پشتى دۆڕاندنا كلاسیكۆیێ".