گاڤ

ئێكه‌تییا ته‌پاپێى یا ئیراقێ ئه‌گه‌رێ پاشئێخستنا یاریێن گه‌ڕا 25 یا خۆلا ستێرێن ئیراقێ ژ ئه‌ڤرۆ دوشه‌مبییێ بۆ سوبه‌هى سێشه‌مبییێ ئاشكرا كر.

غالب زاملى ئه‌ندامێ ئێكه‌تییا ته‌پاپێى یا ئیراقێ بۆ گاڤ دیاركر "لژنه‌یا به‌ریكانه‌یان ژ بۆ بجهئینانا حه‌زا جه‌ماوه‌رێ ته‌پاپێى ل ئیراقێ، یاریێن گه‌ڕا 25 ژ خۆلا ستێرێن ئیراقێ بۆ سوبه‌هى سێشه‌مبییێ پاشێخستن كو ل به‌ر بوو ئه‌ڤرۆ دوشه‌مبییێ بهێنه‌ كرن".

راگه‌هاند ژى "ئه‌ڤ بڕیاره‌ یا هه‌ڤده‌مه‌ ل گه‌ل یارییا ئه‌ڤرۆ یا هه‌لبژارتییێ ئولۆمپى یێ ئیراقێ ل گه‌ل ژاپۆنێ دا كو جه‌ماوه‌رێ ئیراقێ بشێت ته‌ماشه‌ى وێ یاریێ بكه‌ن".

هه‌لبژارتییێ ئیراقێ ئه‌ڤ شه‌ڤه‌ ل ده‌مژمێر 8:30 دێ یارییێ ل گه‌ل ژاپۆنێ د قووناغا به‌رى دویماهییێ یا جاما ئاسیا دا كه‌ت، كو هه‌ر سێ هه‌لبژارتیێن ئێكێ و دوێ و سیێ د قاره‌مانییێ دا دێ ئێكسه‌ر ده‌رباز بنه‌ یاریێن ئولۆمپى یێن پاریس 2024 و هه‌لبژارتییێ چارێ دێ یارییا پاشكۆ ل گه‌ل هه‌لبژارتییێ غینیا خۆدانا رێزا چارێ ل كیشوه‌رێ ئه‌فریكا بۆ ده‌ربازبوونێ بۆ ئولۆمپیادێن پاریس كه‌ت.