شه‌ش كه‌سكاتى بۆ خۆپاراستنێ ژ هه‌ودانێن له‌شى
بەلاڤ بکە
گاڤ
گه‌له‌ك كه‌س تووشى هه‌ودانان د له‌شى دا دبن و ل گۆره‌ى مالپه‌ره‌كێ شه‌ش كه‌سكاتى به‌رسینگگرتنا هه‌ودانان د له‌شى دا دكه‌ن.
مالپه‌رێ Health دیاركریه "گه‌له‌ك كه‌س ژ هه‌ودانان د گه‌له‌ك پارچه‌یێن له‌شى دا دنالن كو هه‌ودان دبنه ئه‌گه‌رێ ئاریشه‌یێن ساخله‌میێ و 6 كه‌سكاتی هه‌نه كو د ده‌وله‌مه‌ندن ب ساخله‌تێن دژى هه‌ودانان".
ئاماژه ب وێ چه‌ندێ ژى كریه "ئه‌و شه‌ش كه‌سكاتییه دژوارییا هه‌ودانان كێم دكه‌ن و ساخله‌مییا مرۆڤى باشتر دكه‌ن".
ئه‌و شه‌ش كه‌سكاتییه یێن به‌رسینگگرتنا هه‌ودانان دكه‌ن ل گۆره‌ى وى مالپه‌رى ئه‌ڤه‌نه:
1. سپێناغ: رێژه‌یه‌كا بلند ژ ڤیتامین A و ئاسنى و دژه‌ئۆكسانێن ب هێز یێن وه‌كى لوتینێ تێدا هه‌نه.
2. كه‌له‌مى: پێكهاته‌یێن رووه‌كى یێن ساخله‌تێن دژه‌هه‌ودانان هه‌ین تێدا هه‌نه.
3. قه‌رنابیت: یا ده‌وله‌مه‌نده ب ڤیتامین E و ئێك ژ دژه‌ئۆكسانێن ب هێزه یێن به‌رسینگگرتنا هه‌ودانان دكه‌ن.
4. فلفلێن ره‌نگاوره‌نگ: فلفێن كه‌سك و زه‌ر و سۆر رێژه‌یێن مه‌زن ژ دژه‌ئۆكسانان تێدا هه‌نه.
5. باجانسۆرك: رێژه‌یێن مه‌زن ژ دژه‌ئۆكسانێ لیكۆپین تێدا هه‌یه و وێ رۆله‌ك د كێمكرنا دژوارییا هه‌ودانان دا هه‌یه.
6. شمه‌نده‌ر: پێكهاته‌یه‌كا ب ناڤێ بێتالین تێدا هه‌یه كو وێ ساخله‌تێن دژه‌هه‌ودانان تێدا هه‌نه هه‌روه‌سا بۆ پاراستنا مرۆڤى ژ په‌نجه‌شێرێ و نه‌خۆشییێن دلى هاریكاره.
