فیدان: هەولێر و بەغدا بۆ مە دگرنگن
04/27/2024 - 14:40
بەلاڤ بکە
گاڤ
وەزیرێ دەرڤە یێ تورکیا جارەکا دی دوپاتی ل گرنگییا پەیوەندییێن تورکیا ل گەل هەرێما کوردستانێ و ئیراقێ کر.
هاکان فیدان، وەزیرێ دەرڤە یێ تورکیا ئەڤرۆ ل ستەنبۆلێ د کۆنگرەیەکێ رۆژنامەڤانی دا راگەهاند: رەجەب تەییب ئەردۆگان، سەرۆککۆمارێ تورکیا پەیوەندییێن ئەنقەرە ل گەل هەولێرێ و بەغدایێ ب گرنگ دزانیت.
وەزیرێ دەرڤە یێ تورکیا جارەکا دی بەحسێ سەرەدانا ئەردۆگانی بۆ هەولێرێ و بەغدایێ کر و گۆت: ئامادەکارییێن پێشوەخت بۆ وێ سەرەدانێ هاتبوونە کرن و رێککەفتنێن باش هاتنە ئیمزاکرن.
داخۆیانیێن وەزیرێ دەرڤە یێ تورکیا د دەمەکی دانە کو ل 22ی ڤێ مەهێ سەرۆککۆمارێ تورکیا هاتبوو هەولێرێ و بەغدایێ و 26 رێککەفتن و یاداشتنامەیێن لێکتێگەهشتنێ ئیمزا کربوون.
