ژنه‌كا دا*ع*ش ب تاوانا دژى مرۆڤایه‌تیێ هاته تۆمه‌تباركرن
بەلاڤ بکە
گاڤ
ل سه‌ر كوێله‌كرنا كچه‌كا كوردا ئێزدى، ژنا به‌رپرسه‌كێ بلندێ داعشێ ل فه‌ره‌نسا ب تاوانا دژى مرۆڤایه‌تیێ هاته تۆمه‌تباركرن.
سۆنیا ژنا پیشتر یا عه‌بدولستار بن یوسف، سه‌ركرده‌یێ بلندێ داعشێ بوو، ژ 14ى ئادارێ سۆنیا هاتییه تۆمه‌تباركرن.
كچا كوردا ئێزدى د ژیێ 16 سالان دا بوو ده‌ما یوسفى كرییه كه‌نیزه‌یا خۆ، كچا كوردا ئێزدى سۆنیا تۆمه‌تباركریه كو دو جاران ده‌ستدرێژییا سكسكى كریه سه‌ر و هه‌روه‌سا ئاگه‌هدارى هندێ ژى بوو هه‌ڤژینێ وێ ژى ده‌ستدرێژیێ ل سه‌ر دكه‌ت، لێ ئه‌و ژنا داعش بێ ده‌نگ بوو.
ئه‌و كچا كوردا ئێزدى نوكه د ژیێ 25 سالیێ دایه و دیاركریه، ل سالا 2015ێ ل سووریا سۆنیایێ و هه‌ڤژینێ وێ ئه‌و كچ كرینه كوێله و د وى ده‌مى دا ماف نه‌بوو بێى سۆنیایێ چ بخۆت و ڤه‌خۆت.
نه‌بیل بۆدى، پارێزه‌رێ سۆنیایێ ره‌خنه ل تۆمه‌تان گرتن و داواكارێ گشتى ژى ب به‌رپرسیار هه‌مبه‌رى مه‌زنترین تاوان بناڤكر و گۆت: دادگه‌هێ نه‌شیایه ئه‌نجامده‌رێن راست یێن تاوانێ بگرن.
