گاڤ
سه‌رۆكایه‌تییا هه‌رێما كوردستانێ راگه‌هاندنه‌ك ل سه‌ر كۆمبوونا سه‌رۆكێ هه‌رێمێ و سه‌رۆككۆمارێ ئیراقێ به‌لاڤكر و راگه‌هاند، هه‌ر دوئالییان دوپاتى ل بهێزكرنا په‌یوه‌ندیێن هه‌ولێر و به‌غدایێ كریه‌.

ئه‌ڤرۆ د چارچۆڤێ سه‌ره‌دانا خۆ دا بۆ به‌غدایێ، نێچیرڤان بارزانى، سه‌رۆكێ هه‌رێما كوردستانێ ل گه‌ل د. له‌تیف ره‌شید، سه‌رۆككۆمارێ ئیراقێ كۆمبوو، هه‌روه‌سا دیاركر، ره‌وشا ئیراقێ ب گشتى، گرنگییا پاراستنا ئارامى و سه‌قامگێریێ، به‌رده‌وامیدان ب پێشخستنا كه‌رتێن ئابۆرى و خزمه‌تكارى و پشته‌ڤانییا حكومه‌تا فیدرال بۆ بجهئینانا به‌رنامه‌یێ وێ، دانوستاندنێن هه‌ولێر و به‌غدایێ بۆ چاره‌كرنا كێشه‌یان ل گۆڕه‌یى ده‌ستوورى و هاریكارى و هه‌ماهه‌نگییا ناڤبه‌را حكومه‌تێن فیدرال و هه‌رێما كوردستانێ د هه‌مى واره‌كى دا به‌حسكرن.

هه‌ر دو ئالییان دوپاتى ل بهێزكرنا په‌یوه‌ندیێن هه‌ولێر و به‌غدایێ و سه‌رخستنا دانوستاندنان بۆ چاره‌كرنا كێشه‌یێن ناڤبه‌را وان و هه‌روه‌سا به‌حس ل سه‌ره‌دانا سه‌رۆكوه‌زیرێن ئیراقا فیدرال بۆ ئه‌مریكا و سه‌ره‌دانا سه‌رۆككۆمارێ توركیا بۆ ئیراق و هه‌رێما كوردستانێ و ئه‌نجامێ هه‌ر دو سه‌ره‌دانانان هاتنه‌ به‌حسكرن، هه‌روه‌سا به‌رده‌ومیدان ب په‌یوه‌ندیێن ئیراق ل گه‌ل ئه‌مریكا و توركیا ب تایبه‌ت د واری ئابۆرى و بازرگانى دا ل گه‌ل هاریكارییا هه‌ڤپشك بۆ به‌رهنگاربوونا تیرۆرێ ژى هاتنه‌ به‌حسكرن.

سه‌رۆك نێچیرڤان بارزانى دیاردكه‌ت، هه‌رێما كوردستانێ ئاماده‌یى چاره‌كرنا كێشه‌یاینه‌ ل گه‌ل به‌غدایێ ب رێكا دانوستاندان و لێكتێگه‌هشتن و ل سه‌ر بنه‌مایێ ده‌ستوورى و د سه‌ر هه‌مى پرسان را كێشه‌یێن گرێدایى ژین و ژیارا وه‌لاتییان، هه‌ر د ڤى وارى دا سه‌رۆككۆمارێ ئیراقێ ب گرنگ به‌رده‌وامییا دیدار و سه‌ره‌دانێن شاندێن هه‌ر دو ئالیان بۆ چاره‌كرنا كێشه‌یان ل قه‌له‌م دا.

هه‌ر د كۆمبوونێ دا سه‌رۆكێ هه‌رێما كوردستانێ و سه‌رۆككۆمارێ ئیراقێ هێرشا ل سه‌ر كۆرمۆر ل سنۆرێ پارێزگه‌ها سلێمانیێ شه‌رمزار كرن و هێرش ب ده‌ستدرێژى بۆ سه‌ر سه‌روه‌ری و ب گه‌ف ژى ل سه‌ر ئارامى و سه‌قامگیرییا وه‌لاتى دازانین.