گاڤ

لیۆنێل مێسى ستێرا ئه‌رجه‌نتینى نمره‌یه‌كا پیڤانكى یا نوى تۆماركر پشتى دو گۆلێن نوى بۆ یانه‌یا خۆ ئینتر مایامى د خۆلا ئه‌مریكا دا تۆماركرین.

د چارچووڤه‌یێ یاریێن گه‌ڕا 11 ژ خۆلا ئه‌مریكا دا، ئینتر مایامى شیا ب ئه‌نجامێ 1-4 سه‌ركه‌فتنێ ل سه‌ر یانه‌یا نیۆ ئینگلاند رێڤولوشن تۆمار بكه‌ت، د یاریێ دا مێسى دو گۆل ل خۆله‌كێن 32 و 68 بۆ ئینتر مایامى تۆماركرن.

ب هه‌ردو گۆلێن نوى، مێسى بوو ئێكه‌م یاریكه‌ر د دیرۆكا خۆلا ئه‌مریكا دا كو 16 گۆلان د 7 یارییان دا تۆمار بكه‌ت.

ل گۆره‌ى ئاماران؛ مێسى بوو ئێكه‌م یاریكه‌ر د دیرۆكا خۆلا ئه‌مریكا دا كو د ئێكه‌م 7 یاریێن خۆ د وه‌رزه‌كێ دا بشێت 16 گۆلان تۆمار بكه‌ت، ئه‌ڤ چه‌نده‌ هات پشتى مێسى ژ ژماره‌یه‌كا یاریێن ده‌ستپێكێ یێن یانه‌یا خۆ د خۆلا ئه‌مریكا دا دویركه‌فتى كو تێدا یانه‌یێ ئه‌نجامێن نه‌باش تۆماركربوون.

د نوكه‌ دا، مێسى گۆلكه‌رێ ڤى وه‌رزێ خۆلا ئه‌مریكایه‌، یانه‌یا وى ئینتر مایامى ژى ب 21 خۆلان ل سه‌رێ رێزبه‌ندییا پشكا رۆژهه‌لات ژ خۆلا ئه‌مریكا دهێت.