راستڤه‌كرنه‌ك د به‌رژه‌وه‌ندییا مووچه‌خۆرێن هه‌رێمێ د ڤێ حه‌فتییێ دا دێ هێته دان
بەلاڤ بکە
گاڤ
دادگه‌ها فیدرالى د ڤێ حه‌فتییێ دا دێ راستڤه‌كرنه‌كێ ژ بۆ پشتراستبوونێ ژ وێ چه‌ندێ كو مووچه‌خۆرێن هه‌رێما كوردستانێ هه‌مان مافێ مووچه‌خۆرێن دى یێن ئیراقێ د پرۆژه‌یێ خۆجهكرنا (ته‌وتین) یا مووچه‌یان دا هه‌یه، ده‌ركه‌ت.
عه‌زیز ئه‌حمه‌د رێڤه‌به‌رێ نڤیسینگه‌ها سه‌رۆكوه‌زیرێ هه‌رێمێ راگه‌هاند "دادگه‌ها فیدرالى د ڤێ حه‌فتییێ دا دێ راستڤه‌كرنه‌كێ ژ بۆ پشترابوونێ ژ وێ چه‌ندێ كو وه‌لاتییێن هه‌رێما كوردستانێ هه‌مان ماف هه‌یه یێ هه‌مى ئیراقییان د پرۆژه‌یێ به‌نكا ناڤه‌ندى دا بۆ خۆجهكرنا مووچه‌یان هه‌ى، ده‌ركه‌ت".
دیار ژى كر "كا چه‌وا مووچه‌خۆرێن حكومه‌تا فیدرالى ب حه‌زا خۆ به‌نكه‌كێ ژ ناڤ لیستا به‌نكێن په‌سه‌ندكرى دا دهه‌لبژێرن، مووچه‌خۆرێن هه‌رێما كوردستانێ ژى هه‌مان ماف هه‌یه".
گۆت ژى "بنیاتێ پرۆژه‌ى ئه‌وه كو هه‌ر به‌نكه‌كا ژ لایێ به‌نكا ناڤه‌ندى ڤه مووله‌ت پێ هاتبیته دان و مه‌رجێن (هه‌ژمارى من) تێدا بیت، دشێت هژماره‌یا به‌نكى بۆ مووچه‌خۆرێن هه‌رێما كوردستانێ دروستبكه‌ت".
ناڤهاتى زێده‌تر ژى گۆت "هه‌مى به‌نكێن پشكدار د پرۆژه‌یێ (هه‌ژمارى من) دا مووله‌ت ژ لایێ به‌نكا ناڤه‌ندى یا ئیراقى ڤه پێ هاتیه دان و بۆ پرۆژه‌ی هاتینه په‌سه‌ندكرن".
زێده ژى كر "پشتى ڤێ راستڤه‌كرنێ، ئه‌م دشێین ب هه‌مى شیانێن خۆ هه‌تا هێلا دویماهییێ به‌رده‌وام بین".
