بۆ حهزژێكهرێن ڤهخوارنا قههوهیێ.. ته ئهڤ پێنج مفایێن وێ زانینه؟
گاڤ
ڤهخوارنا قههوهیا رهش ژمارهیهكا مفایێن ساخلهمییێ ههنه و یا دهولهمهنده ب دژهئۆكسانان و ژمارهیهكا ڤیتامین و كانزایێن گرنگ بۆ لهشى تێدا ههنه.
مالپهرێ Health Shots بهلاڤكریه "پێنج مفایێن ساخلهمییێ یێن ڤهخوارنا قههوهیا رهش ههنه و ئهڤ چهنده هاندانه دا كو مرۆڤ قههوهیێ ل جهێ قههوهیا تێكهلكرى ل گهل شیرى ڤهخۆت".
ئهو پێنج مفایێن قههوهیا رهش ل گۆرهى وى مالپهرى ئهڤهنه:
1. پاراستن ژ پهنجهشێرێ و نهخۆشیێن دلى و بۆریێن خوینێ: قههوهیا رهش یا دهولهمهنده ب دژهئۆكسانان وهكى ترشا كلورۆجێنیك، ڤهخوارنا قههوهیێ بێى شیر د شیان دایه بۆ كێمكرنا مهترسییا توشبوونێ ب نهخۆشیێن وهكى پهنجهشێرێ و نهخۆشییێن دلى و بۆرییێن خوینێ هاریكار بیت.
2. باشتركرنا ئهركێن مهعریفى: كافیینا د قههوهیا رهش دا وهكى چالاككهرهكێ سڤكه كو هشیاربوونێ و فوكوسكرنێ باشتر دكهت ههروهسا د شیان دایه مهترسییا تووشبوونێ ب نهخۆشییێن وهكى زهایمهر و پاركنسۆن كێمتر بكهت.
3. كونترۆلكرنا كێشا لهشى: ڤهخوارنا كافیینێ یا دناڤ قههوهیێ دا ههى بۆ كونترۆلكرنا كێشا لهشى هاریكاره و رهنگه بۆ سۆتنا كالۆرییان و باشتركرنا ئاستێ چالاكیێن جهستهیى هاریكار بیت.
4. پاراستنا ساخلهمییا مێلاكێ: ڤهخوارنا قههوهیێ ب ئاستێن ناڤنجى رهنگه مهترسییا توشبوونێ ب نهخۆشیێن مێلاكێ وهكى پهنجهشێرا مێلاكێ و نهخۆشییێن چهوریێن مێلاكێ كێمتر بكهت.
5. پاراستن ژ تووشبوونێ ب نهخۆشییا شهكرێ: ڤهخوارنا قههوهیا رهش دبیته ئهگهرێ كێمبوونا مهترسییا تووشبوونێ ب نهخۆشییا شهكرێ ژ جۆرێ دوێ چونكى ئهو بۆ رێكخستنا ئاستێن شهكرێ د خوینێ دا و باشتركرنا ههستیارییا ئهنسۆلینێ هاریكاره.