گاڤ

میدیایا ئیرانێ سه‌رۆك نێچیرڤان بارزانى ب سیاسییه‌كێ سه‌ركه‌فتى ل ئیراق و هه‌رێما كوردستانێ وه‌سفكریه‌ و ب سه‌رۆك مه‌سعوود بارزانى وه‌سفكریه‌ و ب سیاسه‌تا سیاسه‌تڤانێ وه‌غه‌ركرى یێ كورد جه‌لال تاله‌بانى هه‌ڤبه‌ركریه‌ و ب كووربوونا په‌یوه‌ندیێن هه‌رێما كوردستانێ و ئیرانێ ژى دایه‌ زانین.

زێده‌تر ژ 80 میدیایێن فه‌رمى و نه‌فه‌رمى یێن ئیرانێ سه‌ره‌دانا سێ رۆژى یا نێچیرڤان بارزانى رۆمالكریه و ده‌هان وه‌سفێن جودا په‌سنا هێز و شیانێن سه‌رۆك نێچیرڤان بارزانى كریه‌‌.

رۆژنامه‌یا شه‌رق كۆمبوونا رابه‌رێ كۆمارا ئیسلامى و نیچیرڤان بارزانى ل وى جهى ب گرنگ وه‌سفكریه‌ و نڤێسایه‌، كۆمبوونا به‌رێز نێچیرڤان بارزانى ل وێ ژۆرێ نه‌بوو یا به‌رپرسێن بیانى كۆمبوونان لێ دكه‌ن، به‌لكو ل ژوورا كۆمبوونێن به‌رپرسێن ئیرانێ كۆمبوون هاتییه‌كرن.

ئه‌ڤه‌ ل ده‌مه‌كى رۆژنامه‌یا شه‌رق بوو ب مانشێته‌كێ مه‌زن نڤێسایه‌ بالیۆزێ ئاشتیێ یێ هه‌رێمێ ل ته‌هرانه‌.

مالپه‌ڕێ نووچه‌یان یێ میهر ب هنده‌ك ناڤێن جودا به‌حسا سه‌رۆك نێچیرڤان بارزانى كریه‌ و ب سیاسه‌تڤانێ كورد ناڤ ئینایه‌ و نڤێسایه‌، پشتى 13 سالان ژ دیدارا سه‌رۆك مه‌سعوود بارزانى، سه‌رۆكێ وى ده‌مى یێ هه‌رێما كوردستانی بارزانیێ گه‌نج ل گه‌ل رابه‌رێ ئیرانێ كۆمبوو.

‌هه‌روه‌سا ل جهه‌كێ د ژى نڤیسایه‌ بارزانى كه‌سایه‌تییێ دپلۆماسى و میانڕه‌وێ كوردێ ئیراقێ یه‌.

مالپه‌ڕێ 7 سوبح رێكپۆشییا نێچیرڤان بارزانى وه‌ك سه‌رنج دیاركریه‌ و نڤێسایه‌، سیاسه‌تڤانێ رێكوپێك و ب وه‌فا بۆ ئیرانێ هه‌یه‌ و نڤیسایه‌، نێچیرڤان بارزانى، نه‌ڤیێ مه‌لا مسته‌فا بارزنى یه‌ ئێك ژ گرنگترین سه‌ركرده‌یێن كوردستانا ئیراقێ یه‌.

مالپه‌ڕێ تیجاره‌ت نیوز ل ده‌مه‌كى وه‌سفا ژوورا كۆمبوونا رابه‌رێ كۆمارا ئیسلامى یا ئیرانێ ل گه‌ل نێچیران بارزانى كریه‌ و ب ژوورا دۆستانه‌ ناڤكریه‌ و وه‌سفا سه‌رۆكێ هه‌رێما كوردستانێ ژى كریه‌ و نڤیسایه‌، پێنگاڤێن هشیارانه‌، جوان، هه‌ژى و هیڤى به‌خشن.

مالپه‌ڕێ عه‌سر ئیران، پێنگاڤ و كارێن نێچیرڤان بارزانى ب مام جه‌لال هه‌ڤبه‌ركرینه‌ و نڤێسایه‌، نێچیرڤان بارزانى كو تایبه‌تمه‌ندى و شیانێن كه‌سایه‌تییا وى ل گه‌ل دۆستان به‌رفره‌هن، شیان، باوه‌رى ، نه‌رمى و دپلۆماسیه‌تا مام جه‌لال ل بیر دئینیت.

هه‌روه‌سا رۆژنامه‌ و مالپه‌ڕێ مه‌شریق وه‌ك نوینه‌رێ ئیراقێ ناسادیه‌ و نڤیسایه‌ سه‌ره‌دانا سه‌رۆكێ هه‌رێما كوردستانێ بۆ ته‌هرانێ نیشانا وێ یه‌ د هه‌موو واران دا و ل گه‌ل هه‌موو ئالى، نه‌ته‌وه‌ و ئانێن ئیراقێ یه‌.

هه‌روه‌سا ل جهه‌كێ دى ژى نڤێسایه‌، روودانه‌‌كا گرنگ یا راگه‌هاندنا ئه‌ره‌بى و كوردى یه‌ ل ئیراقێ.

مالپه‌ڕێ هه‌م میهه‌ن ئۆنلاین، ب ناڤونیشانێن سه‌ره‌دانا بارزانى ئه‌گه‌را كووربوونا په‌یوه‌ندیێن ئیراق و ئیرانێ یه‌، ژ زارێ ئێك ژ ئه‌ندامێن لژنه‌یا سیاسه‌ت و ئاساییشا نشتیمانى نڤێسایه‌، به‌رێز نێچیرڤان بارزانى د ناڤا كۆمه‌لگه‌ها ئیراقێ دا سه‌ركه‌فتییه‌ و بوویه‌ سیاسه‌تڤانه‌ك چه‌له‌نگ و كارتێكرنا خۆ ل سه‌ر سیاسه‌تا ئیراق و كوردستانێ هه‌یه‌.