گاڤ

ژماره‌یه‌كا راپۆرتان دیاركرینه‌؛ زنجیره‌یه‌كا نوى یا ڤایرۆسێ كۆرۆنایێ ئه‌و مه‌ترسییه‌ هه‌یه‌ كو راوه‌ستاندنا وێ ب زه‌حمه‌تتره‌ هه‌ڤده‌م ل گه‌ل زێده‌بوونا به‌رهنگارییا وێ بۆ ڤاكسینێن نوكه‌.

په‌یڤدارێ سه‌نته‌رێ ئه‌مریكى یێ به‌رهنگارییا نه‌خۆشییان و خۆپاراستنێ ژێ راگه‌هاند "ڤایرۆس ب به‌رده‌وامى ب رێكا خۆگوهۆڕان دهێنه‌ گوهۆڕین و هنده‌ك جاران ئه‌و خۆگوهۆڕه‌ دبنه‌ ئه‌گه‌رێ په‌یدابوونا جۆره‌كێ نوى ژ ڤایرۆسى".

دیار ژى دكه‌ت "هنده‌ك گوهۆڕین و خۆگوهۆڕێن ڤایرۆسى دبنه‌ ئه‌گه‌ر ڤایرۆس ب له‌زتر به‌لاڤببیت یان ژى به‌رهنگارییا چاره‌سه‌رییان و ڤاكسینان بكه‌ت، ل گه‌ل به‌لاڤبوونا ڤایرۆسى ره‌نگه‌ خۆبگوهۆڕیت و راوه‌ستیانا ڤایرۆسى ب زه‌حمه‌ت دكه‌ڤیت".

ئێریك توپۆل جێگرێ سه‌رۆكێ بجهئینانێ یێ كۆمپانییا سكرێپس یا لێكۆلینان ل دۆر ڤێ چه‌ندێ گۆت "زنجیره‌یێن نوى دێ بنه‌ ئه‌گه‌رێ زێده‌بوونا حاله‌تێن نه‌خۆشییێ".

زنجیره‌یا نوى یا كۆرۆنایێ یا ب ناڤێ FLiRT نێزیكى 25% ژ حاله‌تێن تووشبوونێ ب نه‌خۆشییێ ل ئه‌مریكا پێكدئینیت.

هه‌روه‌سا خۆگوهۆڕه‌كێ دى ژى ب ناڤێ KP1.1 هه‌یه‌ كو رێژه‌یا 7.5% ژ حاله‌تێن نه‌خۆشییێ ل ئه‌مریكا پێكدئینیت.