وهتسئهپ خزمهتگۆزارییهكا نوى ژ بۆ هاندانا بكارهینهران بۆ چهتى دێ بهردهستكهت
گاڤ
پلاتفۆرما وهتسئهپى دێ خزمهتگۆزارییهكا نوى بهردهستكهت و تێدا دێ دیار بیت كا كیژ بكارهینهرى بهرى دهمهكێ كێم وهتسئهپ ڤهكریه و بكارهینایه.
ل گۆرهى مالپهرێ WABetaInfo "د خزمهتگۆزارییا نوى یا ب ناڤێ Recently Online دا دێ لیستا وان كهسان ههبیت یێن بهرى دهمهكێ كێم ل سهر وهتسئهپى بووین".
دیار ژى كریه "ئهڤ گوهۆڕینه پشكهكه ژ گوهۆڕینهكا بهرفرههـ كو ئارمانج ژێ پێشنیاركرنا بكارهینهرایه بۆ ئێكدو دا كو چهتى و دانوستاندنێ ل گهل ئێكدو بكهن".
ئاماژه ب وێ چهندێ ژى كریه "ئهڤ چهنده دێ هاریكار بیت بۆ دهستپێكرنا چهتى و دانوستاندنێ ل گهل هندهك كهسێن نوى یێن بهرى نوكه بكارهینهرى ل گهل وان نهئاخقتى".
ئهو گوهۆڕینه ناڤێن وان بكارهینهران دیار ناكهت یێن د نوكه دا ل سهر وهتسئهپى، بهلكو دێ ناڤێن وان كهسان دیار كهت یێن بهرى دهمهكێ كێم وهتسئهپ ڤهكرین و ژێ دهركهفتین.
ئهو مالپهرى دیار ژى دكهت "ئهڤ گوهۆڕینا نوى د نوكه دا د ڤێرژنێ Beta یێ وهتسئهپى د موبایلێن IOS و ئهندرۆید دا هاتیه بهردهستكرن".