گاڤ - تایبەت
کێشەیا نوینەکرنا گرێبەستێن ب سەدان کارمەندێن ساخلەمییا دهۆکێ بەردەوامە و رێڤەبەرێ گشتى یێ ساخلەمیا دهۆکێ بۆ گاڤ دبێژیت: ئەو کارمەند دێ هەر چار مووچەیان ل سەر ئێک وەرگرن.
دویڤچوونا گاڤ بۆ کەیسا 322 کارمەندێن گرێبەست ل سەر بودجەیا پەرەپێدانێ یا رێڤەبەرییا گشتی یا ساخلەمییا پارێزگەها دهۆکێ بەردەوامە، کو چار هەیڤن مووچەیێ وان نەهاتییەدان و گرێبەستێن وان نەهاتینە نویکرن.
ئێک ژ نوینەرێن کارمەندێن گرێبەست یێن ساخلەمییێ ل سنۆرێ زاخۆ بۆ گاڤ گۆت: بەری جەژنێ وان مووچەیەک وەرگرتییە و گرێبەستێن کارمەندێن سنۆرێ زاخۆ کو 45 کەسن، دهێنە نویکرن، لێ یێن دهۆکێ نە مووچە هاتییەدان و نە گرێبەست هاتینە نویکرن.
ل دۆر ڤێ کێشێ د. ئەفراز سیاب، رێڤەبەرێ گشتى یێ ساخلەمیا پارێزگەها دهۆکێ بۆ گاڤ راگەهاند: ئەڤرۆ تیمەکێ ساخلەمیا دهۆکێ ل دۆر نڤیسارا وان کارمەندان چوویە هەولێرێ ل نێزیکترین دەم ئەو کارمەند دێ هەر چار مووچەیێن خۆ یێن ئەڤ سالە ل سەر ئێک وەرگرن.